Біздің пікірлер мен күтулеріміз
Сыртқы фон. Америкалық қор нарықтары өткен аптаны өсіммен жабысып, тағы да тарихи максимумдарды жаңартты. S&P 500 және Nasdaq индекстері тиісінше 0,49% және 0,72% өсті. Секторлардың басым бөлігі күн қорытындысы бойынша өсім көрсетті. FedEx акциялары 2,3%-ға қымбаттады, себебі тоқсандық табыс пен кіріс аналитиктердің күтулерінен жоғары болды. Apple де 3,2%-ға көтерілді, оған JPMorgan тарапынан мақсатты бағаның ұлғаюы әсер етті. Тағы бір маңызды жаңалық – АҚШ Сенаты қысқа мерзімді қаржыландыру жөніндегі заң жобасын қабылдамай тастауы, бұл үкімет жұмысының тоқтап қалу ықтималдығын арттырды. S&P 500 фьючерстері таңертең бейтарап нәтиже көрсетіп отыр. Еуропада кең Stoxx 600 индексі 0,2%-ға төмендеді, оған энергетикалық компаниялардың құлдырауы себеп болды. Норвегияда мөлшерлеме 25 базистік тармаққа төмендетілді, ал Германияда 2025 жылға арналған жылдық бюджет бекітіліп, онда үкімет шығыстары мен экономикаға инвестициялар айтарлықтай ұлғайтылды. Азияда бүгін таңертең жапондық Nikkei 225 1%-ға, ал корейлік Kospi 0,6%-ға өсті. Ал Hang Seng 1,1%-ға төмендеп, қытайлық CSI 300 аздаған төмендеуді көрсетті. Мұнай бағасы 1,3%-ға құлады, бұл, мүмкін, сұраныс пен жаһандық экономиканың жалпы жағдайына қатысты алаңдаушылықпен байланысты. Доллар индексі өсуін жалғастырды, дегенмен орта мерзімді даунтрендте қалып отыр.
Облигациялар. АҚШ-тың 10 жылдық мемлекеттік облигацияларының кірістілігі біртіндеп өсіп, 4,13%-ға жетті.
KASE индексі. Жұма күні KASE индексі 0,9%-ға төмендеді, негізінен Халық банкінің дивидендтік отсечкасына байланысты. Дегенмен бірнеше акция да арзандады, бірақ индекс котировкалары төменгі жергілікті трендтік қолдауды бұзған жоқ.
Индекс акциялары. Негізгі төмендеудің катализаторы – Халық банкінің акциялары болды. Ертең акционерлер реестрі дивидендтерді алу үшін бекітіледі. Банк бір акцияға 21 теңге көлемінде қосымша дивиденд төлейді, ал гэпке дейінгі жалпы дивидендтік табыстылық 13,5% құрады. Сондай-ақ Казатомпром акцияларының 2,1%-ға төмендеуін атап өтеміз, нәтижесінде KASE-дегі баға LSE-дегі ЖДҚ-мен салыстырғанда премиясын жоғалтты. Ал Kaspi халықаралық нарықтарда ең үлкен төмендеуді – 2,3% көрсетті. Әзірге біздің ойымызша, баға динамикасының толық бұрылысын сенімді айту үшін даунтренд әлі бұзылған жоқ. Air Astana акциялары 0,8%-ға төмендеді, бірақ жергілікті өсім трендтік сызықтан жоғары болып отыр. Сонымен қатар сауда көлемі қайтадан әдеттегіден жоғары болды, сондықтан қысқа мерзімді перспективада қағаздарға қатысты оң көзқарасымызды сақтаймыз. Өсім көрсеткен жалғыз эмитент – ҚазМұнайГаз акциялары болды, олар тағы 1,6%-ға қымбаттап, тарихи максимумды жаңартты. Соңғы алты сауда күнінде акциялар шамамен 11%-ға өсті. Дегенмен, қазіргі ықтимал сценарий – жұма күні котировкалар бұза алмаған трендтің жоғарғы шекарасынан жергілікті түзету.
Валюта. Жұма күні доллар 0,35 теңгеге қымбаттап, 542 теңге деңгейінде тұр. Бұл деңгейде ірі сатушы бар сияқты.