eToro Group Ltd. (ETOR) – әлемдік мультиактивті сауда және инвестициялық платформа, ол бөлшек инвесторларға 75 елде акцияларға, криптоактивтерге, тауарларға және валюталарға қол жеткізу мүмкіндігін ұсынады. Компания 2025 жылдың мамырында NASDAQ биржасына шықты және «әлеуметтік инвестициялау» тұжырымдамасының көшбасшысы ретінде Copy Trading функциясы арқылы позицияланады (бұл функция жаңа инвесторларға тәжірибелі трейдерлердің мәмілелерін нақты уақыт режимінде автоматты түрде көшіруге мүмкіндік береді).
Инвестициялық тартымдылық факторлары
· 2025 жылғы күшті қаржылық нәтижелер: түсім $868 млн (+10% ж/ж), консенсусты ($864 млн) асып түсті. EBITDA $317 млн, маржа 37% (консенсус: $309 млн / 36%), таза пайда $216 млн, маржа 25%. Компания 2024 жылы рентабельділіктің айтарлықтай жақсаруынан кейін тұрақты табыстылықты көрсетіп отыр (EBITDA маржасы 16%-дан 39%-ға дейін өскен).
· 2026 жылдың басындағы күшті операциялық динамика: ақпан айындағы көрсеткіштер сенімді болды – ECC сегментінде (акциялар, тауарлар және валюталар) 70,2 млн мәміле жасалды, бұл I тоқсанға экстраполяция жасағанда 217 млн мәміле болады және аналитиктер болжамы (175 млн) айтарлықтай асып түседі. Бұл жаһандық нарықтардағы жоғары құбылмалылық аясында пайдаланушылар белсенділігінің сақталғанын көрсетеді.
· Жоғары конверсия әлеуеті бар бірегей жаһандық база: тіркелген қолданушылар саны 38 млн, оның ~10%-ы қаржыландырылған шоттарға айналады (2019–2020 жылдары 4–6%). 2020 жылдан бері қаржыландырылған шоттар саны жылына орта есеппен 37% өсіп, Robinhood (19% CAGR) және басқа бәсекелестерден озып отыр. Пайдаланушылардың ~75%-ы Еуропа мен Таяу Шығыс нарықтарынан келеді. Конверсияның әрбір 1 п.п. өсуі қосымша табыс өсіміне үлкен мүмкіндік береді.
· Клиент белсенділігі жоғары дифференциацияланған бизнес-модель: әлеуметтік трейдинг және Copy Trading жоғары белсенділік тудырады — eToro клиенттері тоқсанына 40–50 мәміле жасайды, бұл АҚШ платформаларынан 4–6 есе жоғары. Бұл жоғары жиілік орташа шот көлемінің төмендігін (~$5 500) өтейді. 2025 жылы ARPU Robinhood-ден жоғары болды, ал оның орташа шоты екі есе үлкен.
· Монетизацияны жақсартуға үлкен әлеует: бір мәміледен түсетін табыс $1-ден төмен, ал бәсекелестерде $1,5–$3. Негізгі драйверлер: (а) деривативтерді іске қосу; (ә) клиринг жүйесін дамыту; (б) АҚШ-та өнімдік кеңею. Бұл бағыттардың кез келгені бір мәміле экономикасын айтарлықтай жақсарта алады.
· Криптодан тауар және валюта нарықтарына диверсификация: клиенттердің криптодан акциялар мен FX-ке ауысуы байқалады. 2025 жылдың 4-тоқсанында капитал нарықтары сегменті +45% ж/ж өссе, крипто түсім -73% ж/ж төмендеді. Бұл табыс құрылымын тұрақтырақ етеді.
M&A және байбэк
Менеджмент 2026 жылы M&A мәмілелерінің ықтималдығы жоғары екенін атап өтті (мысалы – 2024 Q4-та Spaceship сатып алуы). Сонымен қатар акцияларды кері сатып алу бағдарламасы кеңейтілді: қалған көлемі $150 млн (~5–6% нарықтық капитализация). Бұл қазіргі IPO бағасымен салыстырғанда менеджменттің компания құнына сенімін көрсетеді.
Мақсатты баға: $43