Freedom Holding Corp. аудитін Deloitte жүргізетін болады

Freedom Holding Corp директорлар кеңесі АҚШ-тың жалпы қабылданған бухгалтерлік есеп қағидаттарына (АҚШ GAAP) сәйкес холдингтің қаржылық есептілігінің жыл сайынғы аудитін жүргізу үшін Deloitte тәуелсіз аудиторлық компаниясын топтың аудиторы ретінде бекіту туралы шешім қабылдады.

Бұған дейін Deloitte халықаралық қаржылық есептілік стандарттарын (ХҚЕС) және халықаралық аудит стандарттарын (ХАС) басшылыққа ала отырып, Қазақстандағы холдингтің еншілес компанияларына ғана аудит жүргізген.

Freedom Holding Corp құрылғаннан бері оның тәуелсіз аудиторы американдық WSRP, LLC компаниясы болды, ол аудитті Қоғамдық компанияның қаржылық есеп беру кеңесінің (PCAOB) стандарттарына және АҚШ Бағалы қағаздар және биржалар комиссиясының (SEC) талаптарына сәйкес жүргізді. Deloitte халықаралық аудиторлық компаниясымен ынтымақтастыққа көшуге әлемдік нарықтың талаптары және холдинг қызметінің кеңеюі себеп болды.

Анықтамалық ақпарат

Freedom Holding Corp. – өзінің еншілес компаниялары арқылы қаржылық қызметті, бөлшек брокерлік операцияларды, инвестициялық-банктік, андеррайтингтік және сақтандыру қызметтерін жүзеге асырып келе жатқан холдинг. Компания KASE, MEX, SPB, PUZZLE, UX, AIX-тің кәсіби қатысушысы болып табылады. Компанияның бас кеңсесі Қазақстанның Алматы қаласында орналасқан. Компанияның Қазақстанда, Ресейде, Украинада, Өзбекстанда, Қырғызстанда, Әзірбайжанда, Арменияда, Ұлыбританияда, Грецияда, Испанияда, Францияда, Германияда, Біріккен Араб Әмірліктерінде және Кипрде бөлшек филиалдары бар. Холдингтің жай акциялары Nasdaq Capital Market-те саудаланады. 

Deloitte («Делойт») - экономиканың әртүрлі салаларында жұмыс істейтін мемлекеттік және жеке компанияларға консалтинг, аудит, салық және құқық, қаржылық кеңес беру және тәуекелдерді басқару салаларында қызмет көрсететін халықаралық компания. Оның бүкіл әлем бойынша кең тараған филиалдар жүйесі бар. Бұл үлкен төрттікке кіретін ең ірі бухгалтерлік фирмалардың бірі.

БАҚ үшін байланыстар:
Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]; [email protected]
Тел.: +7 (727) 311 10 64, ішкі нөмірі 640.