Freedom компаниялар тобы IQanat мектебінде жаңа кампустың құрылысын қаржыландырады ​

IQanat мектебінің аумағында «Freedom House» деген атауға ие болатын жаңа кампустың іргетасын қалау рәсімі өтті. 

Салтанатты шараға Ақмола облысының әкім орынбасары Малгаждар Таткеев, IQanat жобасының бастамашысы және қамқоршысы - Айдын Рахимбаев, IQanat қамқоршысы, Freedom Holding Corp атқарушы директоры - Тимур Турлов, мектеп түлектері мен оқушылары қатысты.

Жоба Шортанды көлінің жағалауында жүзеге асырылады. Құрылыс жоспары бойынша кампуста 420 орындық амфитеатр, планетарий, жаратылыстану-ғылыми пәндерін оқытуға арналған заманауи жабдықталған кабинет, 7 мың кітап қоры бар кітапхана және ашық терраса болады. Құрылыс нәтижесінде мектептің сыйымдылығы қосымша 120 орынға артады деп жоспарлануда.

Айта кететін жайт, Тимур Турлов 2019 жылдан бері IQanat жобасының Қамқоршысы болып табылады, Түркістан, Қызылорда, Павлодар және Жетісу облыстарының шалғай аудандарындағы дарынды балаларға қолдау көрсетіп, мотивациялық кездесулер өткізіп, сол арқылы балалардың білім деңгейін көтеруге қолынан келгенше үлес қосуға тырысып келеді.

Тимур Турлов, Freedom Holding Corp. бас атқарушы директоры:

«Бүгінгі сапалы білім – бұл ертеңгі табысты болашақтың кепілі. Бұл жағынан IQanat мектебі Қазақстандағы ең озық мектептердің бірі болып табылады. Мұнда оқушылардың  білімді, білікті меңгеруіне және дарындылығын дамытуына барлық жағдай жасалған. Бірақ ең маңыздысы, мектеп еліміздің түкпір-түкпірінен келген балаларға бірдей мүмкіндік береді. Бүгінгі таңда ауылдық жерден шыққан оқушылардың 80%-дан астамы IQanat мектебінде тегін білім алуда, ал түлектер отандық және шетелдік ірі университеттердің грант иегерлері атануда. Freedom House сыйымдылығын тағы 120 орынға арттырғанда, біз елдің зияткерлік, бизнес немесе саяси элитасына айналатын көбірек жас саналарды тәрбиелей алатын боламыз». 

Жобаның бастамашысы Айдын Рахимбаевтың айтуынша, жобаның негізгі идеясы ұрпақтар сабақтастығы болып табылады.: 

«IQanat ауылдық білім беру мәселелерін шешуге бей-жай қарамайтын барлық қазақстандық кәсіпкерлердің басын біріктіреді және де болашақта осы миссияны атқаруға ат салысатын ауылдардан жаңа белсенді және жігерлі жастарды тәрбиелейді».

«Freedom House» жаңа кампусының құрылысын аяқтау және оны пайдалануға беру 2023 жылдың 3-тоқсанына жоспарланған.

Анықтама үшін: 

IQanat High School of Burabay – ауылдық жоғары сынып оқушыларының емтиханға дайындалуға, салауатты өмір салтын ұстануға және  шығармашылық әлеуетін дамытуға баса назар аударатын бірегей жекеменшік мектеп-пансионаты. IQanat мектебі соңғы техника үлгілерімен жабдықталған, онда заманауи оқу кабинеттері мен зертханалар, спорт орталықтары, кітапханалар, музыкалық үйірмелер, көл аумағында ерекше орман алқабы бар. Бұл мектеп Қазақстанның барлық ауылдарынан келген оқушылардың Қазақстанның және шетелдің рейтингтік ЖОО-на: Nazarbayev University, University of Purdue, Polytechnic University of Hong Kong, University of Chicago және т.б. грантқа түсіп жатқан жалғыз кейсі болып табылады.

Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]