«Super Bol» спорттық реалити-шоуының екінші маусымының басталуы

2022 жылы жобаға кәсіби спортшы болғысы келген 16 жастан 25 жасқа дейінгі жастар қатысты. Олар өздерінің дағдыларын туған қалаларында көрсетуге мүмкіндік алды, ал ең үздіктері атақты бапкерлердің жетекшілігімен толыққанды футбол базасында жаттығып, кейін кәсіби келісімшартқа отырды. Жоба қатысушыларының финалдық ойынын 60-тан астам скауттар, соның ішінде «Челси» техникалық директоры Клод Макелеле, итальяндық «Торино» және мәскеулік «Спартак» мамандары, сондай-ақ қазақстандық премьер-лиганың барлық дерлік клубтарының өкілдері тамашалады. 

«SUPER BOL» екінші маусымы 2023 жылдың 4 мамырында басталып, Қазақстанның 14 қаласын қамтиды.
«SUPER BOL» жобасын өткізудің жалпы ережелері мен қағидалары туралы жобаның бас менеджері, Астана қаласы мәслихатының депутаты Давид Лория айтып берді. Оның айтуынша, жоба мынадай қағидаттар негізінде жүзеге асырылады: жобаға қатысқысы келетін барлық жеке тұлғалар үшін теңдік пен жалпыға қол жетімділік, сауықтыру бағыты, кемсітушілікке тыйым салу және қатыгездікке, зорлық-зомбылыққа және адамның абыройын қорлауды насихаттауға жол бермеу, футболдағы «инновациялық менталдылықты» дамытуға жәрдемдесу, жастардың футболға деген қызығушылығын арттыру, Қазақстанда жасөспірімдер спортын дамыту.

Футбол іріктеулері жобаны ұйымдастырушының командасы әзірлеген бірегей жүйе және шығып қалу әдістемесі бойынша өткізілетін болады. Спорттық реалити-шоу кастингтен тұрады, оған екінші іріктеу матчы мен финал кіреді. Финалдық кезең әлеуетті скауттардың қатысушылармен кәсіби келісімшартқа қол қоюын анықтау/қарау мақсатында бапкерлер құрамының басшылығымен және апта сайынғы тұрақты матчтарды өткізумен кәсіби футбол жаттығуларын қамтиды. Кастингке қатысуға жас ерекшелігіне сәйкес (16 жастан 24 жасқа дейін) барлық ниет білдірушілер өткізіледі. Жобаны ұйымдастырушы барлық қатысушыларды тіркейді. Кастингтер қатысушы қалалардың орталық стадиондарында өтеді. Жобаны ұйымдастырушы қатысушыларға медициналық көмек, қорғау, өрт қауіпсіздігін және тамақтануды қамтамасыз етеді.
Финалға қатысушылардың саны 50 (елу) финалистен тұрады, оның ішінде алғашқы 25 қатысушы кәсіби футбол базасына келеді, ал қалған 25 (жиырма бес) қатысушы резервте болады.

«Super BOL» жобасының трансляциясы «QazSport» телеарнасында жүзеге асырылады – деп хабарлады телеарнаның басшысы Наги Бакытбек. Бұл жастардың ең асыға күтетін спорттық жобасы. «SUPER BOL!» – кәсіби футболшы болуды армандайтын, бірақ әртүрлі себептермен өз армандарын орындай алмаған жастарға арналған телевизиялық әлеуметтік реалити-шоу.

«SUPER BOL» жобасының менеджері
Насима Корганбекова 
+77027882938