Алтын өндіруші алпауыт Newmont Corp. (NYSE:NEM) Мексикадағы Peñasquito кенішінде жұмысшылардың ереуілге шығуына байланысты жұмысын тоқтатты. Peñasquito – компанияның Солтүстік Америкадағы ең ірі кен орны,оның қорлары 6,3 мың унцияға тең, бұл компанияның Солтүстік Америкадағы қорларының шамамен 40% немесе барлық қорлардың 7% құрайды. Кеніш сонымен қатар алтын өндірудің жанама өнімдері – қалайы мен мырыш белсенді өндірілетін компанияның жалғыз активі болып табылады. Тек 2022 жылы Мексикадағы операциялар компанияға ~17% табыс әкелді.
7 маусымда жергілікті кәсіподақ ұжымдық шартта көзделген пайданы бөлу бойынша жәрдемақыны 10%-дан 20%-ға дейін арттыруды талап еткен болатын. Ереуіл туралы хабарламаға жауап ретінде Newmont жұмысын тоқтатты, бірақ келісім шарт талаптары бойынша шешімге қол жеткізу үшін бітімгершілік кездесулерге қатысуға дайын.
Ереуіл басталғанға дейін Newmont компаниясы 2022 жылдың маусымы мен 2024 жылдың маусымы аралығында жасалған еңбек шартының ережелеріне қатысты дауларды адал шешуге тырысты. Бұл келісімде пайданы бірыңғай есептеу формуласы негізінде жыл сайынғы бөлу туралы ережені қоса алғанда, бірқатар жеңілдіктер қамтылды. Есептеу әдісі кәсіподақпен алдын-ала келісілген және онда 2022 және 2023 жылдардағы кірістерді бөлу бойынша төлемдерді есептеу үшін бірдей формула қолданылған. 30 мамырда Newmont бағдарламаға қатысуға құқығы бар барлық қызметкерлерге 2023 жылға арналған пайданы бөлу бойынша өзара келісілген 10% жәрдемақыны төледі.
Freedom Finance Global сарапшылары – «Біздің ойымызша, осы өндірістік мәселелердің сақталуы алтын нарығындағы ауаны қолдай алады. Peñasquito 2022 жылы әлемдік алтын өндірісінің 0,5% құрады. Сондай-ақ, Royal Gold компаниясы 2%-ға тең таза кіріске роялтиге ие. Peñasquito 2022 жылғы Royal Gold жалпы кірісінің шамамен 7,2%-н құрады», — деп, атап өтті.