Polestar Meizu-мен бірге өз автокөліктері үшін операциялық жүйені жасайды
Биржалық жаңалықтар
19 June 2023, 16:03
Шведтік электромобиль өндірушісі Polestar (NASDAQ: PSNY) Қытайл жүзеге асырылатын Polestar көліктеріне арналған жеке операциялық жүйесін (ОЖ) әзірлеу мақсатында Zhejiang Geely Holding Group еншілес ұйымы қытайлық Xingji Meizu-мен бірлескен компания құрады.
ОЖ-ны әзірлейтін жаңа компания Geely тобының қытайлық тұтынушыларға арналған автомобильдерді бейімдеу жөніндегі тағы бір қадамы болады. Meizu Geely басқарма төрағасы Ли Шуфуға тиесілі, ол сонымен қатар Polestar-дың ең ірі инвесторларының бірі болып табылады және Volvo Cars-тің ең ірі акционерін басқарады.
Қазіргі уақытта Polestar өзінің барлық көліктерін Қытайда шығарады. Компания жаңа операциялық жүйе Xingji Meizu компаниясының бұдан бұрын 2023 жылы іске қосылған Flyme Auto жүйесіне негізделетінін және автокөлік қосымшаларымен де, клиенттердің ұялы телефондарымен де байланысты болатынын атап өтті. Өз кезегінде, ҚХР-дан тыс экспортталатын автокөліктердегі Google Auto жүйесі де қол жетімді және басым болып қала береді.
Владимир Чернов, Freedom Finance Global сарапшысы: «Бұл жүйені Қытайда шығарылатын электромобильдерге тез енгізу керек, себебі бірлескен кәсіпорын құрылғаннан кейін оның кірісі бірден өсе бастайды. Бұл процестің бенефициарлары екі компания да болуы керек, өйткені олардың үлесі дерлік швед тобында 49%-ға және Xingji Meizu-да 51%-ға тең. Осы жаңалықтардың аясында Polestar Automotive Holding компаниясының депозитарлық қолхаттары құнының үш айлық максимумына қол жеткізуді күтуге болады. Ал Meizu компаниясы енді толығымен Geely-ге тиесілі, оның акциялары бүгін Гонконгтағы сауда-саттықты 0,40% өсіммен аяқтады».