Altria AB InBev акцияларын $2 млрд-тан астам сомаға сатуды жоспарлауда

Altria (MO) AB InBev-дегі өз үлесінің бір бөлігін акцияларды сатып алуды қаржыландыруға көмектесу үшін $2,2 млрд-қа сатуға тырысады.
АҚШ-та Marlboro темекісін сататын Altria компаниясы AB InBev сыра қайнату компаниясының шамамен 10% -ына ие. Компания акцияларды АҚШ-та, Еуропада, Ұлыбританияда және АҚШ-тан тыс басқа елдерде жаһандық қайталама орналастыру шеңберінде сатады. 
«Anheuser-Busch InBev SA NV акцияларын сатудан түсетін қаражатты компания электронды темекі, вейп сияқты жанбайтын темекі өнімдерінің желісін дамытуға және кеңейтуге бағыттай алады, себебі бұл бағытта бәсекелестік өсіп келеді. Нарықтың бұл жаңалыққа реакциясы көп күттірмеді, себебі компания бірден акциялардың бір данасы 60,75-62,75 EUR сату бағасын жариялады, ол кешегі сауда сессиясының жабылу бағасына 4,83-8,28% сыйлықақыны білдіреді. Брюссельдегі сауда-саттық Anheuser-Busch InBev SA NV акцияларының құны 1,50% -ға өсіп, 58,82 EUR-ға жеткенде тоқтатылды, демек олар жаңартылғаннан кейін одан әрі өсу әлеуеті әлі де қалады», - дейді Freedom Finance Global сарапшысы Владимир Чернов.
Altria компаниясының бас атқарушы директоры Билли Гиффорд ондаған жылдар ішінде сыра инвестициялары елеулі кіріс пен ақшалай қайтарым әкелгенін, сондай-ақ компанияның теңгерімін қолдағанын айтты. Оның айтуынша, AB InBev-дегі үлестің бестен бір бөлігін сату елеулі пайда алу үшін оппортунистік мәміле болып табылады.