Volvo қытайлық баж салығын болдырмау үшін Бельгияға электромобиль өндірісін көшіреді
Биржалық жаңалықтар
10 маусым 2024, 15:26
Швециялық Volvo (VOLVF) корпорациясы өндірісін Пекин субсидиялайтын тауарлар импортына қатысты ЕО саясатын қатаңдатудан қорқып, ҚХР-дан Бельгияға электромобиль өндірісін ауыстыруды бастады.
Естеріңізге сала кетейік, ЕО-ға мүше 27 елдің сыртқы саудасына бақылау жасайтын Еурокомиссия өткен жылдың қазан айында Қытайдан Еуропаға жеткізілетін таза электр көліктеріне қатысты тергеуге бастамашылық жасаған болатын. Тергеу 13 айға созылуы мүмкін, бұл ретте ол басталғаннан кейін тоғыз ай өткен соң Еурокомиссия артықшылықтарды шектеу үшін баж салығын алдын алу тәртібімен енгізе алады.
Бастапқыда мажоритарлық акционері қытайлық Geely автоконцерны (GELYY, GELYF) болып табылатын Volvo, баж салығы енгізілген жағдайда Еуропада шығарылған электр көліктерін сатуды тоқтата тұру мүмкіндігін қарастырды. Алайда EX30 мен EX90 үлгілерінің өндірісін Қытайдан Бельгияға көшіру түбегейлі шараларды болдырмауға мүмкіндік береді.
Freedom Finance Global сарапшысы Владимир Чернов атап өткендей, осы жаңалықтың аясында Volvo құнды қағаздары $280-285 дейін қымбаттауы мүмкін, себебі өндірісті еуропалық өңірге көшіру баж салығын үнемдеуге және басқа да сыртқы тәуекелдерді әртараптандыруға мүмкіндік береді. Volvo концернін 2010 жылы Geely сатып алғандықтан, оның акциялары ертең Гонконгтағы сауда-саттықтың ашылуында қымбаттауы мүмкін (бүгінде биржа елдегі мерекеге байланысты жабық).