Google ЖИ серпілісі жағдайында қуаттылықты арттыру үшін күн энергетикасын жасаушылардың қолдауына инвестиция салады
Биржалық жаңалықтар
2 шілде 2024, 14:32
Google Тайванда жаңа күн қуаттылығының 1-гигаватты құбырын жасау үшін BlackRock (BLK) компаниясымен ынтымақтастық орнатпақ. Бұл туралы америкалық технологиялық алпауыт дүйсенбі күні хабарлады. Аталмыш қадамның мақсаты - энергетикалық қуаттарды ұлғайту және жасанды интеллект саласындағы серпіліс жағдайында көміртек шығарындыларын азайту.
Келісім аясында Google тайвандық күн энергетикасын әзірлеуші New Green Power компаниясына күрделі қаржы салуды жүзеге асырады. Бұл салымдар әлі де реттеуші органдардың мақұлдауын алуы тиіс. Болжанып отырған инвестициялардың нақты сомасы жария етілмейді.
Жаһандық EY консалтингтік компаниясының мәліметінше, Тайвань әлемдегі жартылай өткізгіш чиптердің 60% -ын шығарады. Бұдан басқа, оған озық ЖИ-процессорлар өндірісінің едәуір үлесі тиесілі. Сонымен қатар, чип шығаратын зауыттар энергияны көп қажет ететін кәсіпорындардың бірі болып табылады.
Тайвань экономика министрлігі жанындағы Энергетика басқармасының баяндамасына сәйкес, аралдағы энергияның 97% -ға жуығы жаңартылмайтын көздерден, оның ішінде көмір мен табиғи газдан өндіріледі. Бұл тұрғыда Google-дің күн энергетикасы саласындағы BlackRock-пен ынтымақтастығы өзекті және орынды болып табылады.
Freedom Finance Global-дың жетекші сарапшысы Наталья Мильчакова, сондай-ақ, корпорация 2030 жылға қарай атмосфераға нөлдік көміртек шығарындыларына қол жеткізуге ұмтылатынын ескерсек, бұл жобаға Google қызығушылығы түсінікті деп санайды. Сонымен қатар, сарапшының пікірінше, егер корпорация Тайваньда орнығатын болса, ол өзінің деректерді өңдеу орталықтары мен бұлтты жобалар үшін TSMC-ден чиптерді арзан сатып ала алады. Алайда Freedom Finance Global сарапшысы Black Rock-пен ынтымақтастықта New Green Power жобасының қаншалықты өміршең болатыны белгісіз екеніне назар аударады: оны жүзеге асыру көбінесе көп бөлігін ҚХР-дан ғана импорттауға болатын шикізаттың, материалдар мен құрамдауыштардың жалпы құны мен қолжетімділігіне байланысты болатынын атап өтуде.