Anglo American австралиялық Peabody Energy көмір шахталарын $3,78 млрд-қа сатады

Тау-кен компаниясы және әлемдегі ең ірі платина өндіруші Anglo American компаниясы Австралияда кокстелетін көмір өндіру бойынша өз активтерін Peabody Energy (BTU) компаниясына сату туралы келісімге қол жеткізді, деп хабарлайды CNBC.
Мәміленің жалпы сомасы $3,8 млрд-қа дейін болуы мүмкін, оның $2 млрд-ы бірден төленеді. Тағы $700 млн жыл сайынғы төрт траншқа бөлінеді, оларды сатып алушы мәміле аяқталғаннан кейін бір жылдан кейін төлей бастайды. Бұдан басқа, келісім активтердің болашақтағы табыстылығына байланысты $550 млн-ға дейінгі қосымша төлемдерді, сондай-ақ Австралияның Квинсленд штатында Grosvenor шахтасын қайта іске қосу шартымен төленетін $450 млн-ды қамтиды.
Келісім 2025 жылдың ортасында жасалуы тиіс. Anglo American Jellinbah көмір шахтасындағы үлесті $1,1 млрд-қа сатуды ескергенде, металлургиялық көмір өндіретін барлық бизнес үшін $4,9 млрд-қа дейін алады деп күтеді
Активтерді сату туралы шешім мыс, жоғары сапалы темір кені шикізаты мен тыңайтқыштар өндірісіне күш-жігерін жұмылдыруға бағытталған компанияның жаңа стратегиясына сәйкес келеді. Компанияның бас директоры Дункан Ванблад серіктестердің де холдингтің никель бизнесіне елеулі қызығушылық танытатынын атап өтті.
Anglo American компаниясының Австралиядағы көмір бизнесін профильді инвесторға сатуы оның жаңартылған даму стратегиясы аясында қисынды болып көрінеді, дейді Freedom Finance Global компаниясының жетекші талдаушысы Наталья Мильчакова. Қазiргi уақытта көптеген iрi тау-кен корпорациялары өздерiнiң тұрақты даму жобалары шеңберiнде пайдалы қазбаларды өндiру және қайта өңдеу жобаларынан шығып жатыр, олар қоршаған ортаны қорғауға орасан зор инвестицияларды, ал таяу уақыттан бастап көмiртектi қалдықтарды аулау технологиясына салымдарды қажет етедi.
Anglo American бизнесті сатудан кейін алмаздар мен әлемде сұранысқа ие электр көлігін өндірушілерге, мыс, литий, минералды тыңайтқыштар және сирек кездесетін металдар өндіру жобаларына баса назар аудара алады. Мәмілені қаржыландыру тетігі уақыт жағынан созылған болса да, сатушы мен сатып алушының мүдделерін өзара ескеру үшін жеткілікті икемді болып көрінеді.