Google компаниясы (Alphabet, GOOGL бас корпорациясы) ғалымдарға биомедициналық зерттеулерді жеделдетуге көмектесетін жасанды интеллекті бар зертханалық ассистентті таныстырды, деп хабарлайды Reuters.
Жаңа құрал білімдегі олқылықтарды анықтап, ғылыми жаңалықтарға ықпал ететін идеяларды ұсына отырып, «бірлесіп зерттеуші» ретінде әрекет етеді. Бұдан басқа, жүйе зерттеушілерге түсіндірмелер мен дереккөздерге сілтемелері бар ұсыныстардың сараланған тізімін ұсына отырып, ғылыми мақалалар мен мамандандырылған дерекқорларды өңдеуге қабілетті.
Google аға ғылыми қызметкері Алан Картикесалингам компания мұндай технология ғалымдарға «супер қабілеттерді» бере алатынын түсінуге ұмтылатынын атап өтті. Сынақтар барысында АИ-ассистент микробқа қарсы препараттарға төзімділікпен байланысты гендерді тасымалдаудың жаңа тетігі туралы бірнеше күн ішінде ғылыми қорытынды шығара алды. Лондон Империялық колледжінің командасы үшін бұл үдеріс жылдар бойы зерттелді, деп жазады Reuters.
Google ғылыми қызметкері Вивек Натараджанның айтуынша, ассистент ғылыми процесті моделдейтін бірнеше зияткерлік агенттерді жұмылдырады: біреуі идеяларды шығарады, екіншісі оларды талдайды және түсінеді.
Google-дың жаңа әзірлемесі АИ саласында да, жаратылыстану ғылымында да төңкеріс жасауға қабілетті, себебі олар ғалымдарға зерттеулер мен жаңалықтарды жеңілдетуі мүмкін, деп есептейді Freedom Finance Global жетекші сарапшысы Наталья Мильчакова. Мұндай AI моделі медицинаның кейбір салаларында ғана табысты қолданылды және әзірлеушілердің генетика саласына оның мүмкіндіктерін кеңейту жоспарлары бар, алайда осындай әзірлемені басқа жаратылыстану ғылымдарында қолдану мүмкіндігі туралы мәселе ашық күйінде қалып отыр, себебі AI көмегімен ғылыми таным мүмкіндіктері дамудың бастапқы кезеңінде тұр.
Қз