Celsius Alani Nutrition энергетикалық сусындар брендін $1,8 млрд-қа сатып алады

Өзінің сусындарымен және диеталық қоспаларымен танымал Celsius Holdings Inc. CELH компаниясы Alani Nutrition LLC компаниясын $1,8 млрд-қа сатып алғанын хабарлады, деп хабарлайды Reuters агенттігі.
Компанияның акциялары мәміле туралы хабарландыру аясында 21 ақпанда сауда-саттық жабылғаннан кейін 18% -ға өсті. $150 млн салық активтерін қамтитын келісім сатып алудың таза құнын $1,65 млрд. дейін төмендетеді. Келісім 2025 жылдың екінші тоқсанында жабылады.
Тез өсіп келе жатқан екі брендті біріктіру салауатты өмір салтына арналған функционалдық өнімдер сегментінде жетекші платформа құруы тиіс, деп атап көрсетеді Reuters.
Alani Nu компаниясы әйелдер аудиториясына бағытталған өзінің сусындарымен және сауықтыру өнімдерімен танымал. Фирманың бөлшек саудасы жылдық есеппен 78% -ға ұлғайды, компания нарықтағы қатысуының белсенді кеңеюін көрсетті.
Celsius бас директоры Джон Филдли мәмілені компания үшін функционалдық өнімдер саласындағы шешуші сәт деп атады және жаңа аудиторияны кеңейту және қамту мүмкіндіктеріне сенім білдірді.
Alani Nutrition энергетикалық сусындар брендін $1,8 млрд-қа сатып алу туралы жаңалық аясында премаркеттегі Celsius құнды қағаздары 34% -ға қымбаттауда, себебі бұл мәміле компанияның нарық үлесін 10-15% -ға дейін ұлғайтуға мүмкіндік береді, деп атап өтті Freedom Finance Global сарапшысы Владимир Чернов. Celsius болжамы бойынша, біріккен компания қосылғаннан кейін жылына шамамен $2 млрд табыс әкелсе, Alani Nutrition қосылуы оны 2025 жылы шамамен 47% -ға өсіруге мүмкіндік береді. Осыдан келіп, премаркеттегі құнды қағаздар құнының 34% -ға өсуіне қарамастан, Celsius акцияларының одан әрі қымбаттау әлеуеті әлі де бар.