PepsiCo $1,95 млрд-қа Poppi брендін сатып алатынын жариялады

Американдық PepsiCo Inc. (PEP) құрамында Poppi төмен қант бар функционалды газдалған сусындардың танымал өндірушісін сатып алғанын жариялады, деп хабарлайды Bloomberg.
Мәміленің сомасы $1,95 млрд құрайды, алайда $300 млн мөлшеріндегі болжамды салық жеңілдіктері есебінен сатып алудың таза құны $1,65 млрд. дейін төмендейді Белгілі бір қаржылық көрсеткіштерге қол жеткізуге байланысты төлемдер қосымша көзделген.
Poppi бренді салауатты өмір салтын ұстанатын тұтынушыларға бағытталған пребиотиктер, жеміс шырындары және алма сіркесі бар газдалған сусындар шығаруға мамандандырылған. PepsiCo компаниясының бас директоры Рамон Лагуартаның айтуынша, функционалдық сусындарға сұраныс артып келеді, себебі адамдар дәмі мен пайдасын үйлестіретін өнімдерге қызығушылық танытуда.
Poppi сатып алу — пайдалы өнімдер портфелін кеңейту жөніндегі PepsiCo стратегиясының бір бөлігі. 2024 жылы компания Snack өндіруші Siete Foods-ты $1,2 млрд-қа сатып алғанын, сондай-ақ Таяу Шығыс тағамдарын шығарумен танымал Sabra Dipping Co-ның қалған 50% акциясын сатып алғанын жариялады. Мәміле жарияланғаннан кейін PepsiCo акциялары 1,4% -ға өсті.
Freedom Finance Global сарапшысы Владимир Чернов бұл сатып алу PepsiCo табысының өсуіне алып келеді деп санайды, себебі бренд белгілі және оның атауымен өнімге тұтынушылық сұраныс жоғары болады. Ең жақын мақсат — бір акция үшін $165.