Америкалық IBM (IMB) корпорациясы алдағы бес жылда АҚШ экономикасына $150 млрд салу жоспарын жариялады, деп жазады Reuters.
Инвестициялар серверлер мен кванттық компьютерлердi зерттеудi, әзiрлеудi және өндiрудi қоса алғанда, негiзгi бағыттарды қамтиды. Бұл соманың $30 млрд астамы ғылыми-зерттеу және тәжірибелік-конструкторлық жұмыстарға бағытталады.
Компания бұл салымдар АҚШ-тың технологиялық көшбасшылығын нығайтуға және IBM-нің өнімділігі жоғары есептеулер мен жасанды интеллект саласындағы әлемдік көшбасшы ретіндегі ұстанымын қамтамасыз етуге бағытталғанын атап өтті. IBM сондай-ақ қазірдің өзінде әлемдегі ең ірі кванттық есептеу жүйелерінің паркіне ие екенін және АҚШ-та осындай шешімдердің өндірісін одан әрі арттыруды жоспарлап отырғанын атап өтті.
АҚШ-та технологиялар мен инфрақұрылымды дамытуға $150 млрд көлеміндегі IBM инвестициясы компанияның нарықтағы позициясын айтарлықтай нығайтып, оның бәсекеге қабілеттілігін арттыруы мүмкін, деп есептейді Freedom Finance Global сарапшысы Владимир Чернов. Бұл шешім IBM қаржылық көрсеткіштеріне оң әсер етуі мүмкін, әсіресе инвестициялар жасанды интеллект және бұлтты технологиялар сияқты перспективалы бағыттарға бағытталатын болса. Инвесторлар мұны компанияның акцияларының құнын қолдайтын ұзақ мерзімді өсімі туралы белгі ретінде қабылдауы мүмкін. Алайда осы жоспарларды іске асырудың тиімділігі негізгі фактор болады.
Қз