Инвестор Уоррен Баффетт 2025 жылдың соңына дейін Berkshire Hathaway бас директоры қызметінен кетеді. Ол компанияны басқаруды өзінің бұрынғы орынбасары Грегг Абельге береді. Бұл туралы Баффетт Омахтағы акционерлердің жыл сайынғы жиналысында мәлімдеді, деп хабарлайды Bloomberg.
Беркширді алты онжылдықта басқарып, оны $1,16 трлн конгломератқа айналдырған 94 жасар Баффетт директорлар кеңесіне Абельді 4 мамырда CEO лауазымына тағайындауды ресми түрде ұсынатынын хабарлады. Ол бұл шешім бірауыздан қолдау табатынына сенім білдірді.
Баффетт компанияда қалатынын және қолдау көрсетуді жалғастыра беретінін, алайда Berkshire басқаруындағы «соңғы сөз» Абельге жүктелетінін атап өтті. Оның директорлар кеңесіндегі одан арғы рөліне қатысты егжей-тегжейлер алдағы отырыста айқындалатын болады.
Грег Абель - Berkshire Hathaway Energy энергетикалық бөлімшесін қоса алғанда, сақтандырылмаған бизнеске жауапты Berkshire Hathaway вице-төрағасы. Оның мұрагері ретінде кандидатурасы 2021 жылы Баффет оны өзінің болашақ мұрагері деп ресми түрде алғаш рет атағаннан бері талқыланып келеді.
Қз