Morgan Stanley пайда болжамдарын мәмілелерден түскен табыс есебінен асыра орындады

Morgan Stanley (MS) банкі төртінші тоқсанда аналитиктердің пайда жөніндегі болжамдарын асыра орындады. Бұған инвестициялық-банктік қызметтен түскен табыстың 47% өсуі ықпал етті, деп жазады Reuters.

Инвестициялық-банктік қызмет сегментіндегі Morgan Stanley табысы өткен жылғы $1,64 млрд-пен салыстырғанда $2,41 млрд-қа жетті. Мәмілелер көлемінің ұлғаюы нәтижесінде қарыздық міндеттемелерді андеррайтингтеу жөніндегі комиссиялар айтарлықтай өсіп, дерлік екі есе артты.

2025 жылы жаһандық бірігу және сатып алу (M&A) көлемі $5,1 трлн-нан асты. Жасанды интеллектке қатысты оптимизм және АҚШ Федералдық резерв жүйесінің пайыздық мөлшерлемелерді төмендетуі компанияларды белсенді түрде сатып алулар мен IPO өткізуге ынталандырды.

Morgan Stanley қаржы директоры Шарон Йешаяның айтуынша, бірігу және сатып алу сегментінде, сондай-ақ алғашқы жария орналастырулар нарығында белсенділік айтарлықтай жеделдеген. Жақын уақытта банк денсаулық сақтау және өнеркәсіп секторларында мәмілелер санының өсуін күтеді.

Morgan Stanley‑дің бір акцияға шаққандағы пайдасы $2,68 болып, бұл Уолл‑стриттің $2,44 деңгейіндегі болжамынан асып түсті. Банк сондай‑ақ тоқсандық дивидендтерді көтерді.

Freedom Finance Global аналитигі Назерке Баймұқанның айтуынша, алдыңғы ерекше мықты тоқсанмен салыстырғандағы қалыпты нормализацияға қарамастан, есептік кезең банктің операциялық моделінің тұрақтылығын және капитал нарықтарындағы белсенділіктің қалпына келуін тиімді түрде монетизациялау қабілетін растады.

Institutional Securities сегменті 7,93 млрд доллар көлемінде түсім тіркеді (+9% ж/ж, −7% т/т), ал өсудің негізгі драйвері ретінде инвестициялық‑банктік бағыт 2,41 млрд доллар табысқа жетті (+47% ж/ж, +14% т/т). Консультациялық қызметтер аяқталған M&A мәмілелерінің өсуі нәтижесінде 1,1 млрд доллар әкелді (+45% ж/ж, +66% т/т). Қарыздық міндеттемелерді андеррайтингтеуден түскен күшті нәтижелер (785 млн доллар, +93% ж/ж, +2% т/т) фиксирленген табысты құралдармен саудадан түскен түсімнің төмендеуін (1,76 млрд доллар, −9% ж/ж, −19% т/т) өтеді. Акциялармен сауда бағыты 3,67 млрд доллар табыс көрсетті (+10,3% ж/ж, −10,9% т/т), прайм‑брокеридждегі күшті позицияларын сақтап қалды.

Активтерді басқару сегменті (Wealth Management) топ нәтижелеріне тағы да тұрақты үлес қосты: бөлімшенің кірісі $8,4 млрд болды (+13% ж/ж, +2% т/т), ал салыққа дейінгі маржа — 31,4%. Кірістің өсуіне қолайлы нарықтық жағдай аясында активтерді басқару бойынша комиссиялық табыстардың артуы, клиенттік белсенділіктің тұрақты болуы нәтижесінде транзакциялық табыстардың көбеюі, сондай-ақ несие қоржынының өсуі мен баланстың оңтайландырылуы есебінен таза пайыздық табыстың ұлғаюы әсер етті. Клиенттік қаражаттардың органикалық ағыны айтарлықтай жоғары деңгейде қалды: таза ағындар $122,3 млрд болды (+117% ж/ж, +51% т/т), ал тұрақты басқару комиссиясы бар шоттарға түскен қаражат көлемі $45,6 млрд құрады (+30% ж/ж, +9% т/т).

Investment Management сегменті $1,72 млрд көлемінде кіріс туралы есеп берді (+5% ж/ж, +4% т/т). Басқарудағы активтер көлемі (AUM) жыл соңында $1,895 трлн деңгейіне жетті (+14% ж/ж, +5% т/т). Ұзақ мерзімді стратегияларға таза қаражат ағыны $1,7 млрд болды, бұл үшінші тоқсанмен салыстырғанда тарту қарқыны бәсеңдегеніне қарамастан, компанияның инвестициялық өнімдеріне деген тұрақты сұранысты көрсетеді. Сегмент кірісінің жылдық динамикасы негізінен есепті кезең ішінде басқарудағы активтердің орташа құнының артуына тікелей байланысты базалық комиссиялық сыйақылардың өсуімен түсіндіріледі.

Компанияның 2025 жылдың IV тоқсанындағы қаржылық көрсеткіштері өткен жылдың жоғары базасына қатысты нәтижелердің қалыпты дәрежеде қалыпқа келуіне қарамастан, жоғары деңгейде сақталды. Материалдық капиталдың рентабельдігі (ROTCE) — акционерлер үшін негізгі индикаторлардың бірі — 21,8% деңгейінде болды, бұл бір жыл бұрынғы 20,1%-бен салыстырғанда жоғары және бизнестің тұрақты кірістілігін көрсетеді. Тиімділік коэффициенті 68% болып, 2024 жылғы IV тоқсандағы 72%-дан жақсарды, бұл операциялық тетік сақталып отырғанын және шығындардың бақылауда екенін білдіреді. Бірінші деңгейлі капиталдың стандартизирленген коэффициенті (CET1) 15,0% құрап, 1 қазаннан бастап қолданылатын 11,8% мөлшеріндегі реттеушілік минимумнан айтарлықтай жоғары деңгейде қалды, бұл Morgan Stanley-ге капиталды басқаруда едәуір икемділік береді.

Капиталды акционерлерге қайтару бағдарламасы аясында компания төртінші тоқсанда $1,5 млрд көлемінде акцияларды кері сатып алды. 2025 жылдағы жалпы акцияларды кері сатып алу көлемі $4,6 млрд болды. Директорлар кеңесі тоқсандық дивидендті бір акцияға $1,00 мөлшерінде бекітті, оны алдыңғы тоқсанмен және өткен жылдың сәйкес кезеңімен салыстырғанда бұрынғы деңгейде қалдырды.