Қытай автокөлік өндірушісі Geely Automobile Holdings Ltd. (GELYY) 2025 жылға рекордтық пайда туралы хабарлады. Бұл өсім EX2 хэтчбектеріне және Zeekr жол талғамайтын көліктеріне жоғары сұраныспен байланысты, деп жазады Bloomberg.
Компанияның таза пайдасы 16,85 млрд юаньға ($2,4 млрд) жетіп, сарапшылардың 16,5 млрд юань көлеміндегі орташа болжамынан жоғары болды. Табыс 25% өсіп, 345,2 млрд юаньға жетті. Валюта операциялары мен еншілес компанияларды сатудан түскен бір реттік баптарды есептемегенде, пайда 36%‑ға өсті.
Zeekr және Lynk & Co брендтерін қоса алғанда, автокөлік сатылымы 40%‑ға жуық өсіп, үш миллион данаға жетті. Xingyuan моделі (халықаралық нарықта EX2 деп аталады) 2025 жылы Қытайдағы ең көп сатылған модельге айналды. Ал люкс санатындағы Zeekr 9X бағасы 500 мың юань және одан жоғары көліктер арасында сатылым бойынша көш бастады.
Geely 2026 жылы сатылымды 14%‑ға арттыруды жоспарлап отыр және онжылдықтың соңына қарай әлемдегі ең ірі бес автоконцерннің қатарына кіруді мақсат етеді.
Рекордтық нәтижелерге қарамастан, компанияның Гонконгтағы акциялары нәтижелер жарияланғаннан кейін 5,5%‑ға төмендеді.