Freedom Broker: Tesla акцияларының мақсатты бағасы $400 құрайды

Tesla (TSLA) – әлемдегі электромобильдердің ең ірі өндірушісі әрі аккумуляторлық шешімдер нарығындағы көшбасшылардың бірі. Компания сондай-ақ автономды көлік, робототехника және энергияны сақтау жүйелері бағыттарын дамытып келеді. 2026 жылдың бірінші тоқсанында компания табыс пен түзетілген пайда бойынша нарықтың консенсус-болжамынан асып түсті, алайда көрсеткіштер Freedom Broker талдаушыларының күтулерінен сәл төмен болды.

Tesla‑ның тоқсандық түсімі жылдық есепте 15,8%-ға өсіп, $22,4 млрд-қа жетті. Бірінші тоқсандағы таза пайда $0,48 млрд-ты құрады, бұл өткен жылмен салыстырғанда 16,6%-ға жоғары, алайда Freedom Broker бағалаған $0,56 млрд деңгейінен төмен болды. Бір акцияға шаққандағы түзетілген пайда $0,41 болды, ал нарықтың консенсус-күтілімі $0,35 деңгейінде қалыптасқан еді.

Freedom Broker талдаушысы Дмитрий Поздняков Tesla акциялары бойынша «Ұстау» ұсынымын және мақсатты бағаны $400 деңгейінде сақтап қалды. Акциялардың ағымдағы бағасы шамамен $373,7 болған жағдайда, өсу әлеуеті шамамен 7%-ды құрайды.

Сарапшы компанияның жоғары капиталдық шығындары нарық үшін оң белгі болғанын атап өтті. Tesla 2026 жылы инвестиция көлемін $20 млрд-қа дейін жеткізу жоспарын растады, бұл өткен жылғы $8,5 млрд-пен салыстырғанда едәуір жоғары. Бұл қаражат автокөлік өндірісін кеңейтуге, Cybercab және Semi жобаларын іске қосуға, Optimus роботтарын жаппай өндіруді ұлғайтуға, сондай-ақ, Техас штатында Megapack аккумуляторларын шығаратын зауыт салуға бағытталатын болады.

Freedom Broker‑де Tesla акцияларына қысымды операциялық маржаның 4,2%-ға дейін төмендеуі, шығындардың өсуі және мемлекеттік ынталандырулардың қысқартылуынан кейін АҚШ пен Еуропада электромобильдерге сұраныстың әлсіреуі сақтап отырғанын атап өтеді. Талдаушының бағалауынша, мұндай жағдайда ұзақмерзімді өсу драйверлеріне қарамастан, акциялардың қайта бағалану әлеуеті шектеулі болып қалады.

Бұл жеке инвестициялық ұсыным болып табылмайды.