Freedom Broker: NioCorp акцияларының өсу әлеуеті 50%-дан асады

NioCorp Developments (NB) металлургия, қорғаныс өнеркәсібі және жоғары технологиялық өндіріс үшін қажетті аса маңызды металдарды өндіруге маманданған. Freedom Broker талдаушысы компания акциялары бойынша «Сатып алу» ұсынымын және бір акцияға $8,7 деңгейіндегі мақсатты бағаны растады. Қазіргі бағасы шамамен $5,7 болған жағдайда, өсу әлеуеті 50%-дан асады.

NioCorp 2026 жылға арналған мақсаттарға жету жолындағы ілгерілеу туралы хабарлады. Компания жерасты өндіруге негізгі қолжетімділікті қамтамасыз ететін құны $44,6 млн болатын шахталық порталдың құрылысын бастады, $100 млн көлемінде акцияларды жария түрде сәтті орналастырды, сондай‑ақ Traxys North America компаниясымен оффтейк пен маркетингке қатысты міндеттемесі жоқ келісімге қол қойды.

NioCorp Небраска штатындағы Elk Creek жобасын дамытудағы шешуші кезеңге көшіп отыр. Жоба ниобий, скандий, титан және сирек жер элементтерін өндіруге бағытталған. Бұл металдарға АҚШ экономикасындағы өнеркәсіптік және технологиялық трансформация аясында сұраныс артып келеді.

Freedom Broker талдаушысы Виталий Кононов соңғы корпоративтік және салалық оқиғалар жобаның құрылыс кезеңіндегі тәуекелдерді төмендетіп, болашақ өндірістің коммерциялық айқындығын күшейтіп отырғанын атап өтті. Компанияға қосымша қолдауды Небраска штатының жаңартылған салықтық ынталандыру бағдарламасы көрсетіп отыр, ол алдағы он жыл ішінде шамамен $200 млн көлемінде жеңілдіктер беруі мүмкін.

Freedom Broker сарапшыларының пікірінше, акцияларды қайта бағалауға келесі драйвер ретінде жобаның жаңартылған техникалық-экономикалық негіздемесінің жариялануы ықтимал, ал ауқымды құрылысқа өту жолындағы басты қадам -түпкілікті қарыздық қаржыландыруды алу болмақ.

Бұл жеке инвестициялық ұсыныс болып табылмайды.