АҚШ нарығы жасанды интеллект секторы мен чип өндірушілердің есебінен өсіп жатыр - сарапшылар
Биржалық жаңалықтар
29 сәуір 2026, 19:20
2026 жылы АҚШ қор нарығындағы ралли негізінен жасанды интеллект пен жартылай өткізгіштер секторында шоғырланған күйінде қалып отыр, ал кең нарық анағұрлым ұстамды динамиканы көрсетуде. Мұндай қорытындыға Freedom Broker талдаушылары АҚШ нарығына арналған апталық шолуында келді.
Шолуда көрсетілгендей, жыл басынан бері негізгі өсім драйвері жасанды интеллект инфрақұрылымымен байланысты компаниялар болып отыр. Олардың қатарында чип өндірушілер мен есептеу қуаттарын жеткізушілер бар. Талдаушылар бұл сегменттегі акциялардың өсімі сәуір айының басынан бері күшейгенін атап өтеді: көптеген қағаздар 20%-дан астам қымбаттады.
Тұрақты сұраныстың қосымша дәлелі ретінде VanEck Semiconductor ETF жартылай өткізгіштер ETF-інің өсуі аталады, ол тарихи максимумдарын жаңартуды жалғастырып келеді. Freedom Broker пікірінше, сектордың қазіргі динамикасы фундаменталды факторлармен негізделген және спекулятивті «көпіршік» белгілерін көрсетпейді.
Секторға қолдау ірі технологиялық компаниялардың жасанды интеллект инфрақұрылымына жұмсайтын шығындарының әрі қарай өсетіні жөніндегі күтулер есебінен көрсетілуде. Инвесторлардың назарында Microsoft (MSFT), Amazon (AMZN), Alphabet (GOOGL) және Meta Platforms (META) сияқты бигтех компаниялардың капиталыдық шығындары қалып отыр. Талдаушылардың бағалауынша, AI-инфрақұрылымды кеңейту аясында бұл компаниялардың жиынтық инвестициялары алдағы жылдары өсуін жалғастырады.
Сонымен қатар, нарықтағы өсім әлі де тар ауқымды болып отыр. Шолуда 50 күндік жылжымалы орташа мәндерінен жоғары саудаланып жатқан акциялардың үлесі салыстырмалы түрде төмен екені атап өтілген, бұл ағымдағы раллиге кең нарықтың қатысуы шектеулі екенін көрсетеді.
Талдаушылар сондай-ақ америкалық акциялардағы жүйелік қорлардың позициялары қалпына келе бастағанын және нарықтық көңіл күйдің жақсарғанын атап өтті. Дегенмен, олардың бағалауынша, инвесторлар әзірге сақтықты сақтап отыр, ал ағымдағы сентимент әлі де эйфориядан алыс.
Freedom Broker АҚШ-тағы ірі технологиялық компаниялардың есеп беру маусымының жалғасуы аясында жасанды интеллект пен жартылай өткізгіштер секторына деген қызығушылық сақталады деп күтеді.