Freedom Finance Global талдаушылары француздық мұнай-газ компаниясы TotalEnergies SE (TTE) үшін 2026 жылдың бірінші тоқсаны бойынша қаржылық нәтижелерді оң бағалады. Алайда олар көрсеткіштердің қазіргі өсімі уақытша сипатқа ие екенін және компания акциялары қазірдің өзінде әділ құнынан жоғары саудаланып жатқанын атап өтті.
Францияның мұнай-газ компаниясының түсімі жылдық мәнде 3,4%-ға өсіп, $49,5 млрд-қа жетті. Өсуге мұнай өнімдеріне жоғары бағалар мен өңдеу сегментінің күшті нәтижелері қолдау көрсетті.
Таза пайда 28,7%-ға өсіп, $5,4 млрд-ты құрады. Бір акцияға шаққандағы пайда $2,45 болды және нарықтың күтілімдерінен 14%-ға жоғары шықты. Өсімнің негізгі драйвері мұнай өңдеу және мұнай-химия сегментіндегі пайданың күрт артуы болды: бұл көрсеткіш шамамен төрт есе өсіп, $1,6 млрд-қа жетті.
Сұйық көмірсутектердің бағасы барреліне $73,7 деңгейіне дейін көтерілді. Ал табиғи газ бен СТГ бағалары жылдық мәнде 15%-дан астамға төмендеді. Компания СТГ бағалары екінші тоқсанда қалпына келеді деп күтуде.
Өндірудің жалпы көлемі тәулігіне 2,55 млн баррель мұнай эквивалентіне дейін 0,2%-ға төмендеді. Компания екінші тоқсанда Таяу Шығыстағы бірқатар активтерге қойылған шектеулерге байланысты бұл төмендеу күшеюі мүмкін екенін ескертті.
Директорлар кеңесі тоқсандық дивидендті 5,9%-ға арттырып, бір акцияға €0,9 немесе шамамен $1,05 деңгейіне дейін көтерді. Сонымен қатар компания екінші тоқсанда акцияларды кері сатып алу бағдарламасының көлемін алдыңғы тоқсандағы $775 млн-нан $1,5 млрд-қа дейін ұлғайтатынын хабарлады.
Freedom Finance Global пікірінше, мықты қаржылық нәтижелерге энергоносительдер бағасының өсуі мен өңдеу сегментіндегі уақытша жоғары маржа қолдау көрсетті. Бұл факторлар алдағы тоқсандарда әлсіреуі мүмкін, сондықтан талдаушылар акциялардың одан әрі өсу әлеуетін сақтықпен бағалап отыр.
Жеке инвестициялық ұсыныс болып табылмайды.