Freedom Broker: Workday акцияларының 45%-ға өсу әлеуеті сақталуда

Workday (WDAY) 2027 қаржы жылының І тоқсанындағы нәтижелерін нарық күткеннен жоғары деңгейде ұсынды. Freedom Broker компанияның басты драйверін ЖИ-ді коммерциялық енгізудің жеделдеуінен көреді. Осыған қарамастан, сарапшылар бұлтты бағдарламалық жасақтама секторын жалпы қайта бағалауға байланысты акциялардың мақсатты бағасын $210-дан $180-ға дейін төмендетті.

Workday персоналды, қаржыны және бизнес-процестерді басқаруға арналған корпоративтік бұлтты бағдарламалық жасақтаманы әзірлейді. Компанияның негізгі клиенттері — ірі корпорациялар мен мемлекеттік ұйымдар.

Тоқсан қорытындысы бойынша Workday түсімі өткен жылдың сәйкес кезеңімен салыстырғанда 15%-ға өсіп, $2,54 млрд-ты құрады, ал түзетілген сұйылтылған бір акцияға шаққандағы пайда нарық күткен $2,51 деңгейіне қарсы $2,66 болды.

Компанияның келесі тоқсандарға арналған болжамы әртүрлі болды. Акциялардың бағалануына SaaS-компаниялар секторындағы нарықтық мультипликаторлардың төмендеуі қысым жасап отыр. Дәл осы себепті Freedom Broker «Сатып алу» ұсынысын сақтай отырып, WDAY акцияларының мақсатты бағасын $180-ға дейін төмендетті.

Сарапшылардың бағалауынша, акциялардың қазіргі $124 деңгейінен өсу әлеуеті шамамен 45%-ды құрайды.

Freedom Broker компаниясы ЖИ-бағытын тестілеу кезеңінен толыққанды коммерциялық пайдалануға біртіндеп көшіріп жатқанын атап өтеді. Sana ЖИ-көмекшісінің жаһандық іске қосылуы, персоналды іріктеуге арналған Recruiting Agent ЖИ-сервисінің дамуы және Agent System of Record ЖИ-агенттерін басқару жүйесінің енгізілуі Workday экожүйесін күшейтеді және клиенттердің платформаға тәуелділігін арттырады.

Сарапшылар бизнестің дәстүрлі HR- және қаржылық сервистерден тыс кеңеюін қосымша драйвер деп атайды. Компания АҚШ-тың мемлекеттік құрылымдарына арналған шешімдерді, іссапарларды автоматтандыру мен шығыстарды басқаруды белсенді дамытуда, бұл кросс-сатылымдар үшін жаңа мүмкіндіктер туғызады.

Жеке инвестициялық ұсыныс болып табылмайды.