Freedom брендтің ауқымды өзгерісі жайында хабарлайды
Freedom Holding Corp. жаңалықтары
1 июня 2026, 10:13
2026 ж. 1 маусым, Алматы
Freedom Holding Corp. бірыңғай брендке көшетіні жайында хабарлайды. Мұндай шешім біртұтас цифрлық экожүйені дамытудың және топтың бизнесін Freedom жалпы брендімен шоғырландырудың ұзақ мерзімді стратегиясының бөлігі болып табылады. Логотиптердегі «Bank», «Broker» және басқалар сияқты сөз алдындағы қосымшалар қолданылмайды.
Брендтің өзгертілуі топтың нарықтағы бәсекеге қабілетін нығайтуға, көрсетілетін қызметтердің танымалдылығын арттыруға және клиенттер мен серіктестер үшін біртұтас пайдаланушы тәжірибесін қалыптастыруға бағытталған.
Компанияның ребрендингі шеңберінде топтар Холдингтің филиалдары бар барлық елде бірыңғай визуалды сәйкестікке, бренд сәулетіне және коммуникациялық моделге біртіндеп көшеді.
Бүгінгі таңда Freedom экожүйесі қаржылық, сақтандыру, телекоммуникация, lifestyle және digital қызметтерін біріктіреді. Компанияның клиенттері банктік, брокерлік, сақтандыру, билеттер сатып алу, интернет және e-commerce шешімдері сияқты экожүйенің әртүрлі өнімдерімен күн сайын өзара іс-қимыл жасайды. Клиент үшін бірыңғай брендке көшу әртүрлі қызметтер жиынтығын емес, біртұтас, түсінікті және байланысты экожүйе болуға деген ұмтылысты көрсетеді. Мұндай тәсіл клиентке Freedom-ның барлық өнімін жылдам түсінуге, көрсетілетін қызметтерді оңай танып, игеруге, сондай-ақ оларды өздері үшін ең ыңғайлы және тиімді түрде пайдалануға көмектеседі.
Тимур Турлов, Freedom Holding Corp. Бас атқарушы директоры: «Брендтің өзгертілуі - Freedom-ның біртұтас экожүйе ретінде дамуының қисынды жалғасы. Бүгінгі таңда біздің өнімдеріміз бен көрсетілетін қызметтеріміз бір-бірімен жеткілікті түрде біріктірілген және бірыңғай бренд осы байланысты клиент үшін неғұрлым түсінікті әрі танымал етеді. Адам банктік, брокерлік, сақтандыру немесе lifestyle қызметтерін пайдалана отырып, бірыңғай тәсілді, сапа стандарттарын және пайдаланушы тәжірибесін сезінуі тиіс. Біз үшін бұл брендтердің визуалды бірігуі ғана емес, сондай-ақ клиенттің қажеттіліктері төңірегінде цифрлық экожүйе құруға бағытталған стратегияның көрінісі».
Осылайша, бренд өзгертілуі Freedom бизнесінің ауқымын көрсетуге, топтың бағыттары арасындағы бірлесіп атқаратын жұмысты күшейтіп, компанияның филиалдары мен өкілдіктері бар елдерде экожүйенің әрі қарай дамуын қолдауға арналған. Бірыңғай бренд сондай-ақ экожүйені кеңейтуге, оның шетелдегі қызметін күшейтіп, нығайтуға және Freedom-ды жаңа нарықтарда танымал бренд ретінде дәйекті түрде ілгерілетуге негіз жасай отырып, компанияның жаһандық ұмтылысын жүзеге асырудың маңызды элементіне айналуда.
Анықтама:
Freedom Holding Corp. қаржылық қызмет көрсететін, брокерлік қызметпен, бағалы қағаздармен сауда жасаумен, инвестициялық зерттеулермен консультация берумен, инвестициялық банктік және андеррайтингтік қызметтермен, ипотекамен, сақтандырумен, телекоммуникациямен, әуе билеттерімен, мәдени және спорттық іс-шараларға сатылатын билеттерді онлайн сатумен айналысатын әртараптандырылған компания, ол онлайн супермаркет қызметтерін ұсынады және т.б. Freedom Holding Corp.-тың еншілес компанияларын ескере отырып, 11,3 мыңнан астам қызметкері бар. Холдингтің бөлімшелері мен еншілес компаниялары Қазақстан, АҚШ, Кипр, Польша, Испания, Өзбекстан және басқаларын қоса алғанда 21 елде орналасқан. Freedom Holding Corp.-тың жай акциялары АҚШ-тың Бағалы қағаздар және биржалар жөніндегі комиссиясында тіркелген және Nasdaq Capital Market-те FRHC тикерімен сауда жасайды.
БАҚ үшін байланыс деректері: [email protected]