Freedom: Betterware II тоқсанда табысын $25 млн-ға дейін арттыруы мүмкін
Биржалық жаңалықтар
5 маусым 2026, 20:56
Betterware de México (BeFra) Tupperware-дың Латын Америкасындағы бизнесін сатып алу мәмілесін аяқтады. Бұл компанияға аталған мәміленің қаржылық әсерін күткеннен ертерек алуға мүмкіндік береді. Freedom талдаушыларының бағалауынша, сатып алынған активтер 2026 қаржы жылының екінші тоқсанында-ақ компанияға қосымша шамамен $25 млн табыс және түзетілген EBITDA бойынша шамамен $7 млн әкелуі мүмкін.
Қазіргі уақытта Freedom Betterware акциялары бойынша «Сатып алу» ұсынымын және $31 деңгейіндегі мақсатты бағаны сақтап отыр.
BeFra Tupperware-дың Латын Америкасындағы операциялық активтерінің 100%-ын, негізінен Мексика мен Бразилиядағы бизнесін сатып алды. Сонымен қатар компания аймақта Tupperware брендін роялти төлемінсіз пайдалану құқығына ие мерзімсіз эксклюзивті лицензия алды. Мәміле құны $250 млн болды, оның ішінде $215 млн ақшалай төлем және $35 млн жаңа акциялар түрінде берілді.
Freedom сарапшылары бұл жаңалықты орташа деңгейде оң бағалап отыр. Бұған дейін талдаушылар Tupperware бизнесінің үлесі есептілікте тек үшінші тоқсанда көрініс табады деп болжаған еді. Алайда мәміленің 2 маусымда жабылуы нәтижелердің бір бөлігін екінші тоқсаннан бастап есепке алуға мүмкіндік береді.
Сатып алынған бизнестің қаржылық көрсеткіштері де мықты болып отыр. 2025 қаржы жылында Tupperware LatAm $270 млн табыс және $82 млн түзетілген EBITDA алған. Ал 2026 жылдың бірінші тоқсанында бұл көрсеткіштер тиісінше $75 млн және $21 млн болды.
Freedom талдаушыларының пікірінше, мәміле BeFra-ның Мексика мен Бразилиядағы негізгі нарықтардағы позициясын күшейтіп, табыс пен шығындар бойынша синергия әлеуетін қалыптастырады. Компания Betterware, Jafra және Tupperware брендтерін бір корпоративтік құрылымға біріктіретін мультибрендті тікелей сату платформасын қалыптастырып жатыр.
Алдағы уақытта инвесторлардың назары Tupperware бизнесін интеграциялау үдерісіне, күтілетін синергиялардың іске асуына және 2026 қаржы жылына арналған қаржылық болжамның қайта қаралу ықтималдығына аударылады.
Жеке инвестициялық ұсыныс болып табылмайды.