Freedom Broker SpaceX акцияларының IPO алдындағы саудасына жол ашты
Биржалық жаңалықтар
10 маусым 2026, 17:33
Freedom Broker клиенттері SpaceX аэроғарыш компаниясының Nasdaq биржасына шығуы алдында оның акцияларымен пре-маркет саудасына қатысу мүмкіндігіне ие болды.
10 маусымнан бастап инвесторлар Freedom Broker мобильді қосымшасы арқылы SPCX.US тикерімен бағалы қағаздарды сатып алу және сату бойынша лимиттік өтінімдер бере алады. Сауда Астана уақыты бойынша күн сайын 15:00-ден 01:00-ге дейін IPO өтетін күнге дейін жүргізіледі. Алдын ала мәліметтер бойынша, орналастыру 12 маусымға жоспарланған.
Орналастыру параметрлеріне сәйкес, IPO-ның болжамды бағасы бір акция үшін шамамен $135 деңгейінде. Орналастыру көлемі $75 млрд-қа жетуі мүмкін, ал компанияның ықтимал бағалануы $1,77 трлн деңгейінде.
2002 жылы Илон Маск негізін қалаған SpaceX әлемдік ғарыш индустриясындағы ең ірі ойыншылардың бірі саналады. Компанияның бизнесі ғарыш аппараттарын ұшыруды, Starlink спутниктік желісін дамытуды, сондай-ақ жасанды интеллект пен есептеу инфрақұрылымы саласындағы жобаларды қамтиды.
Компания мәліметінше, SpaceX коммерциялық ұшырулар нарығында жетекші орынға ие және әлемдегі ең ірі спутниктік топтамалардың бірін басқарады. Соңғы жылдары түсімнің едәуір бөлігін Starlink спутниктік байланыс бағыты қамтамасыз етіп отыр.
SpaceX-тің күтіліп отырған орналастырылуы компания бизнесінің ауқымы мен оның бірден бірнеше қарқынды дамып келе жатқан нарықтарда — ғарыш технологиялары, телекоммуникациялар және AI-инфрақұрылым салаларында болуының арқасында инвесторлардың назарын аударуда.
Инвестициялық ұсыныс болып табылмайды.