Freedom Broker сарапшылары америкалық газ өндіруші компаниялар акцияларының өсуін болжайды

Freedom Broker талдаушылары америкалық газ өндіруші компаниялар секторы бойынша оң көзқарасын сақтап, сала компаниялары акцияларының бағамы қалпына келеді деп күтуде. Олардың бағалауынша, нарыққа газға деген маусымдық сұраныстың артуы және АҚШ-тағы отын қоры бойынша қолайлы статистика қолдау көрсетеді.

Талдаушылардың пікірінше, АҚШ-тың газ өндіруші компаниялары акцияларының өсуі осы аптаның өзінде байқалуы мүмкін. Олар жаз мезгілінде елдегі табиғи газ бағасы 1 млн британдық жылу бірлігі (BTU) үшін 3,5 доллардан жоғары көтерілуі мүмкін деген болжамын растап отыр. Отынға деген ең жоғары маусымдық сұраныс дәстүрлі түрде шілденің соңы мен тамыздың басына сәйкес келеді.

АҚШ Энергетика министрлігінің деректері жарияланғаннан кейін шыққан шолуда атап өтілгендей, 12 маусымда аяқталған аптада табиғи газ қоры 73 млрд текше футқа артып, 2,76 трлн текше футқа жетті. Бұл ретте консенсус-болжам қорлардың 82 млрд текше футқа ұлғаюын болжаған болатын. Freedom Broker талдаушылары бұл статистиканы табиғи газ бағасы үшін оң фактор ретінде бағалады.

Өткен аптада АҚШ-та табиғи газ бағасы 3,6%-ға өсіп, 1 млн британдық жылу бірлігі үшін 3,32 долларға жетті. Соған қарамастан бұл көрсеткіш өткен жылдың осы кезеңімен салыстырғанда 19%-ға және соңғы бес жылдағы орташа деңгейден 17,9%-ға төмен күйінде қалып отыр.

Freedom Broker мәліметінше, алдын ала бағалаулар алдағы үш аптада АҚШ қоймаларына айдалатын газ көлемі бес жылдық орташа көрсеткіштен сәл жоғары болатынын көрсетеді. Сонымен қатар АҚШ Энергетика министрлігі маусым айында газға сұраныс алдыңғы аймен салыстырғанда 7,2%-ға, ал шілдеде тағы 11%-ға өседі деп болжап отыр.

Бұл жеке инвестициялық ұсыным болып табылмайды.