Eli Lilly (LLY) және Johnson & Johnson (JNJ) фармацевтикалық компаниялары қан ауруларын, соның ішінде қан ісігінің бір түрі — множественная миеломаны емдеуге арналған жаңа препараттар бойынша зерттеулердің мықты нәтижелерін ұсынды, деп атап өтеді Freedom Broker сарапшылары.
Eli Lilly әлемдегі ірі фармацевтикалық компаниялардың бірі болып табылады және диабет, семіздік, онкологиялық және басқа да ауруларды емдеуге арналған препараттарды шығарады. Johnson & Johnson — дәрі-дәрмек пен медициналық жабдық өндірушісі ретінде кеңінен танымал. Компания множественная миеломаны емдеуде көшбасшы орын алады.
Eli Lilly құны 2,3 млрд долларға дейін бағаланған Ajax Therapeutics биотехнологиялық компаниясын сатып алу нәтижесінде алған AJ1-11095 препаратының алғашқы сынақ нәтижелерін ұсынды. Бұл препарат сүйек кемігінің сирек кездесетін ауруы — миелофиброзды емдеуге арналған, ол қан жасушаларының қалыпты түзілуін бұзады.
Зерттеу барысында пациенттердің 70%-ында көкбауыр мөлшерінің айтарлықтай кішіреюі байқалды — бұл миелофиброз кезінде ем тиімділігінің негізгі көрсеткіштерінің бірі. Талдаушылардың пікірінше, бұл нәтиже көптеген қолданыстағы емдеу әдістерінің көрсеткіштерінен айтарлықтай жоғары және Ajax Therapeutics сатып алу мәмілесінің болашағы бар екенін дәлелдейді.
Johnson & Johnson TALVEY препаратының DARZALEX FASPRO-мен біріктірілген нұсқасы бойынша зерттеу нәтижелерін көрсетті. Сынақтар бұрынғы емнен кейін ауруы асқынған множественная миеломаға шалдыққан пациенттер арасында жүргізілді.
Зерттеу жаңа терапия сызбасы стандартты еммен салыстырғанда жағдайдың нашарлау немесе өлім қаупін 72%-ға төмендеткенін көрсетті. Ем басталғаннан кейін екі жылдан соң ауру өршу белгілері байқалмаған пациенттер үлесі 81%-дан асты, ал стандартты ем тобында бұл көрсеткіш 51% болды. Жалпы өмір сүру деңгейі 89%-ға жеткен, стандартты емде — 79%.
Freedom талдаушыларының пікірінше, екі компанияның нәтижелері де қан ісігін емдеудің жаңа әдістерінің жоғары әлеуетін растайды. Eli Lilly үшін бұл сынақтар Ajax Therapeutics сатып алудың тиімділігін дәлелдейтін маңызды фактор болды. Johnson & Johnson үшін жаңа деректер множественная миеломаны емдеу нарығындағы көшбасшылық позицияларын нығайтып, жаңа дәрілерді емдеудің ерте кезеңдерінде қолдануға негіз қалайды.
Жеке инвестициялық ұсыныс емес.