Freedom Broker Carnival акцияларының өсу әлеуетін көріп отыр

Әлемдегі ең ірі круиздік компаниялардың бірі Carnival Corporation (CCL) 2026 қаржы жылының екінші тоқсаны бойынша пайда және EBITDA көрсеткіштері нарық күткеннен жоғары нәтиже көрсетті. Freedom Broker талдаушылары компания акциялары бойынша «Сатып алу» ұсынымын растады және мақсатты бағаны бір акция үшін $35 деңгейінде сақтап қалды. Қазіргі нарықтық баға $28,72 болған жағдайда акциялардың өсу әлеуеті шамамен 22%-ды құрайды.

Carnival – әлемдегі ең ірі круиздік компаниялардың бірі әрі Carnival Cruise Line, Princess Cruises, Holland America Line, Cunard және P&O Cruises сияқты 20-дан астам брендті басқарады. Компания Солтүстік Америка, Еуропа және Австралия нарықтарында жұмыс істейді және әлемдік круиздік туризм индустриясының негізгі ойыншыларының бірі болып қала береді.

Екінші тоқсанда Carnival компаниясының түсімі рекордтық $6,66 млрд-қа жетіп, жалпы алғанда талдаушылардың болжамдарына сәйкес келді. Сонымен қатар, түзетілген EBITDA көрсеткіші $1,58 млрд болды, ал бір акцияға шаққандағы түзетілген пайда $0,41-ге жетіп, нарық болжамдарынан жоғары нәтиже көрсетті. Freedom Broker сарапшыларының айтуынша, нәтижелердің жақсаруына негізгі үлесті түсімнің жедел өсуі емес, шығындарды бақылау шаралары қосты.

Қаржылық көрсеткіштерге қосымша қолдауды қуат бірлігіне шаққандағы отын шығынының жылдық мәнде 5,6%-ға төмендеуі көрсетті. Пандемияға дейінгі 2019 жылмен салыстырғанда бұл көрсеткіш 27%-ға азайған, бұл флоттың операциялық тиімділігінің ұзақ мерзімді артып келе жатқанын білдіреді.

Клиенттік депозиттер көлемі жаңа тарихи максимум – $9 млрд деңгейіне жетті, бұл круиздерге деген тұрақты сұраныстың сақталып отырғанын көрсетеді. Сонымен қатар, компания балансын жақсартуды жалғастырды: таза қарыздың EBITDA-ға қатынасы өткен жылдың соңындағы 3,4 еседен 3,1 есеге дейін төмендеді, ал акцияларды кері сатып алу көлемі $450 млн-нан асты.

2026 жылға арналған таза табыстылық болжамының төмендеуі шектеуші факторға айналды. Бұған Еуропадағы жекелеген бағыттарға, әсіресе Жерорта теңізі өңіріне сұраныстың әлсіреуі себеп болды. Алайда Freedom Broker бұл жағдайды нарық конъюнктурасының жүйелі нашарлауы емес, Таяу Шығыстағы геосаяси белгісіздікпен байланысты жергілікті құбылыс деп есептейді.

Талдаушылардың пікірінше, Carnival компаниясының негізгі өсу драйверлері – қарыз жүктемесін одан әрі азайту, шығындарға қатысты қатаң тәртіпті сақтау және 2027 жылы еуропалық бағыттардың табыстылығының қалпына келуі. Осы жағдайларда Freedom Broker бағалауы бойынша компания акциялары өсу әлеуетін сақтап отыр әрі өзінің тарихи деңгейлерімен және негізгі бәсекелестерімен салыстырғанда әлі де жеңілдікпен саудалануда.

Бұл жеке инвестициялық ұсыныс емес.