Freedom Broker жабдық жеткізушісі DNOW бойынша қамтуды «Сатып алу» ұсынымымен бастады

Freedom Broker талдаушылары DNOW Inc. (DNOW) компаниясына қатысты талдамалық қамтуды «Сатып алу» ұсынымымен және бір акцияға $16 мақсатты бағамен бастады. Қазіргі нарықтық баға $13,5 болғанда, қағаздардың өсу әлеуеті шамамен 18,5% құрайды.

DNOW Inc. — энергетика және өнеркәсіп секторлары үшін жабдық пен инженерлік шешімдердің халықаралық жеткізушісі. Компания құбырлар, клапандар, компрессорлар және басқа да жабдықтарды дистрибуциялауға маманданған, сондай-ақ жеткізу тізбектерін басқару және жобаларды техникалық сүйемелдеу қызметтерін көрсетеді. DNOW клиенттері мұнай-газды өндіру, тасымалдау және өңдеу, коммуналдық газ инфрақұрылымы, мұнайхимия және өнеркәсіптік өндіріс сегменттеріндегі компаниялар болып табылады.

Сарапшылардың пікірінше, компания MRC Global (MRC) компаниясымен сәтті интеграция, бизнесті кеңейту және клиенттік базаны әртараптандыру есебінен өсу әлеуетіне ие. MRC Global — энергетика саласы үшін құбыр арматурасын және оған қатысты өнімдерді тарату саласында жұмыс істейді. Мәмілені 2025 жылдың соңында жасады, MRC Global Inc. $1,5 млрд-қа бағаланды. 

Freedom Broker атап өткендей, MRC Global-пен мәміле аяқталғаннан кейін DNOW бизнес құрылымы анағұрлым теңгерімді болды. Бұрын компания едәуір дәрежеде мұнай мен газ өндіру сегментіне бағдарланған болса, енді түсімнің елеулі үлесін неғұрлым тұрақты бағыттар – коммуналдық газ кәсіпорындары, көмірсутектерді тасымалдау, өңдеу және өнеркәсіп қалыптастырады. Талдаушылардың пікірінше, мұндай әртараптандыру шикізат бағасының ауытқуының компанияның қаржылық нәтижелеріне әсерін төмендетеді.

Өсімнің негізгі драйверлерінің қатарында сарапшылар әлемдік табиғи газға сұраныстың артуы аясында газ құбырларын және СТГ нысандарын салуға инвестициялардың күтілетін ұлғаюын да атап өтеді. Сонымен қатар, талдаушылар MRC Global интеграциясына, мұнай-газ саласындағы белсенділіктің ықтимал төмендеуіне және дәстүрлі энергетикалық инфрақұрылымға ұзақ мерзімді инвестицияларды шектеуі мүмкін энергетикалық ауысудың жеделдеуіне байланысты тәуекелдерге назар аударады.

Жеке инвестициялық ұсыным емес.