26 маусымдағы сауданың соңғы сағаттарында АҚШ қор индекстері төмендеді (S&P 500: -0,09%). Бұл ретте Moderna және денсаулық сақтау секторындағы басқа да компаниялардың акциялары өсті, ал микрочип өндірушілерінің акциялары жақында жеткен ең жоғары деңгейлерінен кері шегінді.
Moderna акциялары компанияның инвесторлар күні аясында болашақ жобаларын таныстырғаннан кейін 2024 жылдан бергі ең жоғары деңгейге көтерілді. Осылайша, денсаулық сақтау секторы S&P 500 индексіндегі өсім қарқыны бойынша көш бастады.
S&P 500 индексі аптаны шамамен 2,1% төмендеумен, ал Nasdaq Composite индексі 4,7% төмендеумен аяқтауы мүмкін. Бұл әлсіздік негізінен технологиялық компаниялар мен ірі капитализациялы эмитенттер акцияларының сатылуымен байланысты.
Микрочип өндірушілерінің акциялары OpenAI компаниясының SpaceX-тің биржадағы дебютінен кейінгі көңіл көншітпейтін нәтижелері мен жасанды интеллект компаниялары акцияларының жоғары құбылмалылығы салдарынан IPO өткізуді келесі жылға қалдыру мүмкіндігін қарастырып жатқаны туралы хабарлардан кейін әлсірей бастады.
Алтын бағасы АҚШ долларының әлсіреуі және PCE инфляция индексі бойынша есеп жарияланғаннан кейін қазынашылық облигациялар кірістілігінің төмендеуі аясында бірнеше айдағы ең төменгі деңгейлерінен қайта көтерілді. Аталған есеп нарық күткен көрсеткіштерге сәйкес келіп, ФРЖ мөлшерлемелерді одан әрі көтеру ықтималдығына қатысты болжамдарды біршама төмендетті.
Бүгінгі өсімге қарамастан, алтын бағасы апта қорытындысы бойынша шамамен 3,5%-ға арзандады. Алтын фьючерстері бір унция үшін 4 096,3 доллар деңгейінде жабылды (+1,2%).