Freedom: ФРЖ саясатын қатаңдату күтулері аясында алтын арзандауда

Алтын бағалары төмендеуді жалғастырып жатыр, өйткені инвесторлар АҚШ Федералдық резерв жүйесінің ақша-несие саясатының перспективаларын және Иран айналасындағы жағдайдың дамуын бағалауда. Соңғы аптада алтынның тамыз айындағы фьючерсі 3,5%-ға арзандап, бір трой унциясы үшін $4000 деңгейіне дейін түсті — бұл 2025 жылғы қарашадан бергі ең төмен деңгей.

Freedom талдаушысы Наталья Мильчакованың пікірінше, төмендеудің бір бөлігі Иран төңірегіндегі қақтығысты жақын арада реттеу перспективасынан көңілі қалған нарық қатысушыларының алыпсатарлық көңіл-күйімен байланысты.

«Мамырдың соңында-ақ қақтығыстың деэскалациялануына деген үміт алтын фьючерстеріне сұранысты ынталандырды, алайда келіссөз процесінің созылып кетуі трейдерлердің көңіл-күйін өзгертті», — деп атап өтеді сарапшы.

Сонымен қатар, талдаушылар алтынға қысым түсіретін негізгі фактор ретінде АҚШ долларының тартымдылығының артуын атайды. АҚШ-тағы инфляцияның одан арғы динамикасына қатысты сақталып отырған белгісіздік пен ФРЖ-ның қатаңырақ саясатына деген күтулер аясында инвесторлар капиталды америкалық валютаға көшіруді жалғастыруда.

Freedom пікірінше, америкалық реттеушінің монетарлық саясаты қатаңдауы мүмкін деген алаңдаушылық доллардың позициясын күшейтеді, ал ол дәстүрлі түрде инвесторлар капиталы үшін алтынның басты бәсекелестерінің бірі болып саналады.

Талдаушылардың ойынша, бағалы металдар нарығының одан арғы динамикасы ФРЖ-ның жаңа сигналдарына, АҚШ-тың инфляциялық статистикасына және Таяу Шығыстағы геосаяси жағдайдың дамуына байланысты болады.

Жеке инвестициялық ұсыным болып табылмайды.