Кевин Уорш: пайыздық мөлшерлемелерді көтеру туралы шешім төрт аптадан кейін қабылданады

АҚШ Федералдық резерв жүйесінің төрағасы Кевин Уорш Португалияның Синтра қаласында өткен Еуропалық орталық банктер форумындағы пікірталас барысында америкалықй Федрезерв пайыздық мөлшерлемелерді көтеру туралы шешімді төрт аптадан кейін қабылдайтынын мәлімдеді. «Келесі отырысқа жиналғанда, бізді маңызды пікірталас күтіп тұр», — деді Уорш, талқылаудың қай бағытта өрбитіні жөнінде аудиторияға ешқандай ишара білдірмей.

АҚШ ұзақ мерзімді перспективада инфляцияны 2%-дан төмен деңгейде ұстап тұруды мақсат етеді, алайда әзірге Федералдық резерв жүйесі, мысалы, ЕОБ-қа қарағанда, пайыздық мөлшерлемелерді бұрынғы деңгейінде сақтап отыр. АҚШ пен Иран арасындағы жалғасып жатқан келіссөздердің арқасында әлемдік нарықтар соңғы уақытта біршама тынышталды: сәрсенбі күні таңертең Brent маркалы мұнай бағасы барреліне $72-ден сәл жоғары болды.

Алайда Уорш энергия тасымалдаушылар бағасы инфляцияның жалғыз факторы емес екенін атап өтіп, «жасанды интеллект бумы» жақындап келе жатқанын айтты. «ЖИ-ден болған шок капиталдық шығындардың бумына әкеледі», — деді Уорш Синтрада, мұның инфляциялық құбылыс болып-болмауы жөнінде шешімді орталық банк қабылдауы тиіс екенін түсіндіріп. «Қазір компаниялар болашаққа инвестиция салып жатыр, өйткені экономикадағы ұсыныстың кеңеюін күтеді, ал егер бұл орын алса, бұл ақша-несие саясаты үшін орасан зор салдарға ие болады», — деп қосты Уорш.