Freedom АҚШ-тың биотехнологиялық секторының одан әрі өсетінін күтеді

АҚШ-тың биотехнологиялық секторындағы бірігу және жұтылу (M&A) мәмілелерінің рекордтық толқынынан кейін шілде–тамыз айлары клиникалық зерттеулер нәтижелері туралы жаңалықтар әкеледі. Freedom Broker-дің пікірінше, алдағы айларда сектордың құнын дәл осы фактор айқындайды.

Биотехтегі бірігу және жұтылу мәмілелері

M&A нарығындағы соңғы белсенділік ірі фармацевтикалық компаниялардың перспективалы әзірлемелерге жоғары қызығушылығын растайды. Тек маусым айының өзінде мәмілелер көлемі $36 млрд-тан асты.

Ең ірілерінің қатарында — иммундық және қабыну ауруларын емдеуге арналған препараттарды әзірлейтін америкалық биотехнологиялық компания Apogee (APOG) Therapeutics-ті сатып алу. Активті AbbVie (ABBV) 49% премиямен $10,9 млрд-қа сатып алды. AbbVie — иммунология, онкология және вирусология сияқты салаларда инновациялық препараттарды әзірлеп, өндіретін америкалық ғылыми-зерттеу биофармацевтикалық компания. Сонымен қатар, Apogee клиникалық зерттеулердің сәтті нәтижелерінен кейін Blackstone (BX) инвестициялық компаниясынан $1,3 млрд қаржыландыру тартты

Ал GSK — әлемдегі ең ірі халықаралық ғылыми-зерттеу фармацевтикалық компаниялардың бірі — Nuvalent-ті 40% премиямен $10,6 млрд-қа сатып алды. Nuvalent ауыр онкологиялық ауруларды емдеуге арналған таргеттік препараттарды әзірлеуге маманданған.

Инвесторлар Replimune компаниясын бақылауда

Инвесторлар клиникалық сынақтарды және жаңа препараттарға рұқсат беруді мұқият қадағалайды. АҚШ-тың Азық-түлік және дәрі-дәрмек сапасын қадағалау басқармасының (FDA) оң шешімдері биотехнологиялық секторға өсім трендін сақтауға мүмкіндік береді. Бұл ретте табысты әзірлемелердің пайда болуы және олардың коммерциялық әлеуетінің расталуы саланың кең нарыққа тәуелділігін төмендетеді. 

Биотехтегі ең ірі оқиғалардың бірі Replimune (REPL) компаниясына байланысты. Шілде айының соңында оны FDA-ның консультативтік комитеті отырысы күтеді, ал 2 тамызда — меланоманы емдеуге арналған препарат бойынша реттеушінің шешімі шығады. Freedom бағалауынша, мақұлдау берілген жағдайда компания акциялары 50–80% өсуі мүмкін, ал кезекті бас тарту қағаздардың құнын күрт төмендетуі ықтимал. Алдағы айларда бүкіл биотехнологиялық сектордың динамикасын дәл осындай оқиғалар айқындайды. 

Биотехнологиялық сектордың жағдайы

Freedom Broker АҚШ-тың биотехнологиялық секторы өсімді жалғастырады деп күтеді. Алдағы айларда саланың динамикасын M&A мәмілелері, клиникалық зерттеулер нәтижелерінің жариялануы және жаңа препараттар бойынша реттеушілердің шешімдері айқындайды. 

Инвестициялық идеялардың ішіндегі ең перспективалылары ретінде Freedom талдаушылары  атап өткен Viridian Therapeutics (VRDN) және Evommune (EVMN) компанияларын көрсеткен, олардың әлеуеті де алдағы клиникалық катализаторлармен байланысты. Viridian Therapeutics — аутоиммундық ауруларды емдеуге арналған препараттарды әзірлейтін америкалық биотехнологиялық компания. Evommune — созылмалы қабыну және аутоиммундық ауруларға қарсы препараттарды әзірлейтін америкалық актив.

Атап айтқанда, Evommune 2025 жылы созылмалы қабыну ауруларына қарсы клиникалық деңгейдегі препараттар портфелін жеделдету үшін венчурлық қаржыландырудың үшінші раунды аясында $115 млн тартты, бұл оның негізгі әзірлемелерін сынақтардың кейінгі кезеңдеріне ілгерілетуге қолдау көрсетуі тиіс.

Жеке инвестициялық ұсыныс болып табылмайды.