АҚШ қор индекстері Иранмен мәміленің бұзылуынан кейін минуспен жабылды

АҚШ қор индекстері 8 шілдеде негізінен минуспен жабылды (S&P500: -0,28%), өйткені АҚШ пен Иран арасындағы әскери қимылдардың қайта басталуы мұнай бағасының күрт өсуіне әкеліп, нарықтың басым бөлігіне қысым көрсетті.

Дегенмен сессия барысында жартылай өткізгіш өндірушілер акцияларының қалпына келуі индекстердің әлсіздігін ішінара өтеді. Түркияда өткен НАТО саммитінде сөйлеген Трамп Иранмен одан әрі келіссөздер жүргізуге қызығушылық танытпайтынын айтты. Сессия жабылғаннан кейін АҚШ Иранға соққы беруді жалғастырды.

Инвесторлар бүгін сондай-ақ FOMC-тың маусымдағы отырысының хаттамаларын талдады, олар ФРЖ-ның деректерге тәуелді тәсілін растады. Саясаткерлер инфляциялық қысымның сақталып отырғанын және геосаяси оқиғаларға байланысты белгісіздікті мойындап, сонымен бірге нарықтар алдағы бір жылда мөлшерлемелерді төмендету саны азаяды деп күте бастағанын атап өтті. 

АҚШ қазынашылық облигациялары кезекті сатылым толқынына ұшырап, нәтижесінде 5 жылдық және одан қысқа мерзімді облигациялар кірістілігі бір жылдағы ең жоғары мәндерге қайта оралды, ал 10 жылдық және 30 жылдық облигациялар кірістілігі мамырдағы шектерден төмен болып қалды. АҚШ Қаржы министрлігі кеше 3 жылдық облигацияларды сәтті орналастырғаннан кейін, ертеңгі 30 жылдық қағаздарды қайта орналастыру қарсаңында 10 жылдық облигацияларды да тағы бір рет сәтті қайта орналастырды. 

АҚШ доллары күн ішіндегі өсімнен кейін кейін шегінді, өйткені ФРЖ хаттамалары кейбір лауазымды тұлғалар пайыздық мөлшерлемелерді көтеруді негізді деп санағанын көрсетті. Еуро бағамы өз кезегінде $1,142 деңгейіне дейін өсті. 

Мұнай котировкалары Таяу Шығыстағы әскери қимылдардың қайта басталуына байланысты екі аптадан астам уақыттағы ең жоғары деңгейге көтерілді, бұл Ормуз бұғазы арқылы кеме қатынасының тоқтауына әкелуі мүмкін. WTI маркалы мұнайдың тамыз фьючерсі бір баррель үшін $73,52 деңгейінде жабылды (+4,4%).