Freedom инвестициялық ұсынымдары: нені сатып алу, нені ұстау және пайданы қай жерде тіркеу керек

Freedom Global талдаушылары 2026 жылғы шілдеге арналған АҚШ нарығы бойынша инвестициялық идеяларды ұсынды. Инвесторларға жасанды интеллект, дата-орталықтар және коммуналдық сектордың дамуына назар аудару ұсынылады. . Ағымдағы тізімде «Сатып алу» ұсынымдары басым, алайда бірқатар қағаздар бойынша сарапшылар позицияларды ұстап тұруды немесе мақсатты деңгейлерге жеткеннен кейін пайданы тіркеуді ұсынады. 

Қандай акцияларды сатып алуға болады

•    Alphabet (GOOGL) — әлемдегі ең ірі технологиялық компаниялардың бірі және нарықтық капитализациясы $4 трлн-нан асатын Google-дың бас құрылымы. Freedom Global талдаушылары бір акцияға мақсатты бағаны $400 деңгейінде белгіледі, әлеуетті кірістілік шамамен 8,9%. Инвестициялық идеяның егжей-тегжейлі талдауын оқыңыз.
•    Northwest Natural Holding (NWN) коммуналдық қызметтер секторында жұмыс істейді және АҚШ-тың бірнеше штатында табиғи газ жеткізу және сумен жабдықтаумен айналысады. Акцияның мақсатты бағасы $57, өсім әлеуеті шамамен 5,9% деп бағаланады. Талдаушылар 2027 жылғы маусымға дейін қаражатты акцияларда ұстауды ұсынады.
•    Digital Realty Trust (DLR) — әлемдегі ең ірі дата-орталық операторларының бірі, сұранысы жылдам өсуді жалғастырып отырған бұлттық сервистер мен жасанды интеллект жүйелері үшін инфрақұрылым ұсынады. Digital Realty Trust-тың нарықтық капитализациясы $60 млрд-тан асады. Акцияның мақсатты бағасы $223 деңгейінде белгіленген, бұл 15–15,5% өсім әлеуетін білдіреді. Сарапшылар инвестициялау көкжиегін 2027 жылғы маусымға белгіледі.
Талдаушылардың пікірінше, қазіргі таңда ең жоғары өсім әлеуеті Digital Realty Trust-та сақталып отыр, ол жасанды интеллектке арналған дата-орталық инфрақұрылымының одан әрі кеңеюінен ұта алады.

Қандай акцияларды ұстаған жөн

Талдаушылардың бағалауынша, бұл қағаздар әділ құнға жақын, сондықтан одан әрі өсім әлеуеті шектеулі.
•    PHINIA (PHIN) – іштен жану қозғалтқыштары, гибридті қондырғылар және автокөлік қосалқы бөлшектері нарығы үшін автокомпоненттер мен жүйелерді өндіретін америкалық өндіруші. Компания 2023 жылы BorgWarner құрамынан бөлініп шықты және Delphi, Delco Remy және Hartridge сияқты танымал брендтерге иелік етеді, бүкіл әлем бойынша автокөлік өндірушілеріне және сервистік нарыққа арналған шешімдерді жеткізеді. 
•    Burke & Herbert Financial Services (BHRB) – АҚШ-тың өңірлік қаржы тобы және 1852 жылы құрылған елдегі ең көне банктердің бірі Burke & Herbert Bank & Trust Company компаниясының иесі. Компания бөлшек және корпоративтік банкинг, ипотекалық кредиттеу және капиталды басқару қызметтерін ұсынады, қызметін негізінен АҚШ-тың Орта Атлантика өңірі штаттарында шоғырландырған.

Инвесторларға пайданы қай жерде тіркеу керек
Осы қағаздардың басым бөлігі бойынша талдаушылар бұрын белгіленген мақсатты бағаларға қол жеткізілгеннен кейін позицияларды жабуға кеңес береді.
•    NextPower (NXT) – жаңартылатын энергетика саласындағы америкалық компания, күн электр станцияларын және энергетикалық инфрақұрылымды әзірлеу мен пайдалануға маманданған. 
•    Natural Grocers (NGVC) — АҚШ-тағы табиғи және органикалық азық-түлік дүкендерінің желісі. Компания дұрыс тамақтану сегментіне бағдарланады және тұтынушылардың экологиялық өнімдерге қызығушылығының өсуі аясында қатысуын кеңейтуде.
•    Everus Construction Group (ECG) — энергетика, өнеркәсіп және инфрақұрылымдық жобалар салаларында жұмыс істейтін америкалық құрылыс және инжиниринг компаниясы. Электр желілері мен энергетикалық нысандарды жаңғырту жобаларын іске асыруға қатысады.
•    Electromed (ELMD) — тыныс алу жүйесі ауруларын емдеуге арналған құрылғыларға маманданған медициналық жабдық өндірушісі.
•    Ero Copper (ERO) — Бразилияда мыс өндірумен айналысатын канадалық тау-кен компаниясы.
•    Frequency Electronics (FEIM) — ғарыш, қорғаныс және телекоммуникация салалары үшін жоғары дәлдікті уақыт және жиілік синхрондау жүйелерін әзірлеуші. Компания өнімдері спутниктік жүйелерде және АҚШ-тың мемлекеттік жобаларында қолданылады.
•    DXP Enterprises (DXPE) — энергетикалық және өнеркәсіптік кәсіпорындарға арналған өнеркәсіптік жабдық, сорғы жүйелері және сервистік қызметтер жеткізушісі. 
•    EOG Resources (EOG) — АҚШ-тағы ең ірі тәуелсіз мұнай-газ компанияларының бірі, мұнай мен табиғи газды барлау және өндірумен айналысады. 
•    Unitil (UTL) — АҚШ-тың өңірлік коммуналдық компаниясы, электр энергиясы мен табиғи газ жеткізу қызметтерін ұсынады.
•    ServiceNow (NOW) — бизнес-процестерді автоматтандыруға арналған корпоративтік бағдарламалық қамтамасыз ету саласындағы әлемдік көшбасшылардың бірі. Компания IT, персонал және клиенттік сервистерді басқаруға арналған жасанды интеллект негізіндегі шешімдерді дамытады.
•    ConocoPhillips (COP) — әлемдегі ең ірі тәуелсіз мұнай-газ компанияларының бірі, оннан астам елде мұнай мен газ өндірумен айналысады. Компанияның активтер портфелі әртараптандырылған және АҚШ-тағы көмірсутек өндірушілердің ең ірілерінің қатарына кіреді.

Акцияларға инвестициялар туралы толығырақ
Әрбір акция бойынша позицияларды ашу және жабу кестесін 2026 жылғы шілдеге арналған АҚШ нарығы бойынша инвестициялық идеялардан қараңыз.