S&P Global деректері бойынша АҚШ-тағы іскерлік белсенділіктің жиынтық индексі (PMI) қыркүйекте алдын ала есептеуде өткен айдағы 53,9 тармақтан 57,0 тармаққа дейін көтерілді. Бұл соңғы 62 айдағы ең жоғары деңгей. Көрсеткіш 53,6 тармақ деңгейінде болады деп күтілген еді. Қызмет көрсету секторындағы PMI 56,8 тармақтан 58,7 тармаққа дейін өсті, ал өнеркәсіп секторында 53,1 тармақтан 56,7 тармаққа дейін артты.
Нарық сарапшылары мен трейдерлер PMI индексін мұқият қадағалайды, өйткені ол өндірістік сектордың жағдайын алдын ала бағалауға мүмкіндік береді. 50-ден жоғары мән белсенділіктің кеңеюін білдірсе, 50-ден төмен көрсеткіш оның бәсеңдеуін көрсетеді. Қазіргі деңгейдің бұл межеден нық жоғары болуы өсім мен тұрақтылықты растайды.
«Америкалық бизнес қарқынды өсім көрсетуді жалғастыруда: қыркүйекте өндіріс көлемінің өсу қарқыны соңғы бес жылдан астам уақыттағы ең жоғары деңгейге жетті. Тарихи деректер соңғы сауалнама нәтижелері жылдық есеппен шамамен 5% өсімді меңзейтінін, ал 3 тоқсанның қорытындысы бойынша жалпы өсім 4% деңгейінде болады деп болжанатынын көрсетеді», — деді S&P Global Market Intelligence бас экономисі Крис Уильямсон.