Freedom Broker АҚШ акциялар нарығында турбуленттілік сақталатынын ескертті

АҚШ акциялар нарығы мемлекеттік облигациялар кірістілігінің өсуі, мұнайдың қымбаттауы және Федералдық резерв жүйесінің мөлшерлемені көтеруі мүмкін деген күтулердің күшеюі салдарынан жоғары құбылмалылық аймағында қала береді, деп есептейді Freedom Broker талдаушылары. Олар тәуекелдер балансын бейтарап деп бағалайды, алайда макроэкономикалық және геосаяси жаңалықтарға котировкалардың сезімталдығы сақталатынын ескертеді.

Қазір нарық динамикасын не айқындайды

Алдағы сессияларға арналған тәуекелдер балансы жоғары құбылмалылық сақталып отырған жағдайда бейтарап бағаланады, деп атап өтеді Freedom Broker талдаушылары. Акцияларға қысымның негізгі көзі АҚШ қазынашылық облигациялары кірістілігінің өсуі болып қала береді. Онжылдық қағаздардың кірістілігі апта басында 5,23%-ға жетіп, сауда барысында 2006 жылдан бергі ең жоғары деңгейге жақындады. Отыз жылдық облигациялар бойынша көрсеткіш 5,56% болып, 2004 жылдан бергі күн ішіндегі максимумды жаңартты.

Мемлекеттік қағаздар кірістілігінің өсуі инвесторларға қолжетімді тәуекелсіз кірістілікті арттырады және акциялардың салыстырмалы тартымдылығын төмендетеді: инвесторлар сенімді борыштық құралдардан жоғарырақ табыс ала алады, сондықтан акция сатып алғанда тәуекел үшін үлкенірек сыйақы талап етеді. Бұл факторға, әсіресе, бағалануының едәуір бөлігі болашақта күтілетін пайдаға тәуелді компаниялардың қағаздары сезімтал болуы мүмкін.

Қосымша қысым мұнай нарығынан туындайды: апта басында Brent бір баррель үшін $106-дан жоғары көтерілді, ал WTI $94-ке жақындады. Қымбат энергоносительдер инфляцияны ұстап тұруы, бизнестің шығындарын арттыруы және ФРЖ-ның ақша-кредит саясатын жұмсартуына арналған кеңістікті шектеуі мүмкін.

Мөлшерлемені көтеру ықтималдығы 70%-ға жетті

Фьючерстік нарық қазан айындағы отырыста ФРЖ мөлшерлемені 25 базистік тармаққа көтеру ықтималдығын шамамен 70% деңгейінде бағалады, деп атап өтеді сарапшылар. Бір ай бұрын бұл көрсеткіш 20%-дан төмен болған.

Күтулердегі мұндай өзгеріс инвесторлардың ақша-кредит саясатының одан әрі қатаңдатылу тәуекелін едәуір байыппен ескере бастағанын білдіреді. Талдаушылардың пікірінше, мөлшерлеменің көтерілуі компаниялар мен халық үшін қарыз капиталының құнын арттырады, сондай-ақ іскерлік және тұтынушылық белсенділікті тежеуі мүмкін.

Нарық қатысушыларының көңіл күйіне инфляциялық сигналдар да әсер етеді. Даллас ФРБ-ның өндірістік сектордағы іскерлік белсенділік индексі қыркүйекте тамыздағы 11,6 пункттен 9,8 пунктке төмендеді, алайда оның баға және жалақы компоненттері өсті. Бұл жалпы іскерлік белсенділік баяулағанның өзінде инфляциялық қысымның сақталып тұрғанын көрсетеді. Freedom Broker бағалауынша, нарықтың әрі қарайғы траекториясы көбіне ФРЖ өкілдерінің пікірлеріне және пайыздық мөлшерлеме бойынша болжамды өзгерте алатын жаңа деректерге тәуелді болады.

Технологиялық сектор қысымға ұшырады

Облигациялар кірістілігінің жоғары болуы технологиялық сегментке әсер етті. Qualcomm (QCOM) акциялары 1,77%-ға төмендеп, $184,10 болды, Intel (INTC) — 0,07%-ға төмендеп, $115,93 болды. Nvidia (NVDA) қағаздары 0,76%-ға арзандап, $227,21-ге түсті.

Жоғары құбылмалылық сақталады

Freedom Broker пікірінше, нарықтың қысқа мерзімді динамикасын қазынашылық облигациялар кірістілігі, мұнай бағалары және ФРЖ-ның алдағы шешімдеріне қатысты күтулер анықтай береді. Қымбат капиталдың, инфляциялық тәуекелдердің және геосаяси белгісіздіктің үйлесімі қор индекстерінің тұрақты өсу мүмкіндігін шектейді.

Сонымен қатар тәуекелдер балансын бейтарап бағалау нарықтың міндетті түрде төмендеуін білдірмейді. Жекелеген компаниялардағы оң корпоративтік оқиғалар мен мықты қаржылық нәтижелер олардың акцияларын қолдауы мүмкін, дегенмен жалпы ахуал инфляция мен пайыздық мөлшерлемелер туралы кез келген сигналдарға сезімтал болып қала береді.

Трежеристер акциялар нарығын қалай түзетеді

Қазынашылық облигациялар кірістілігінің өсуі біртіндеп жүріп, апта бойы күшейді. S&P Global-дың қыркүйектегі іскерлік белсенділік индекстері күшті шыққаннан кейін 24 қыркүйек таңертең онжылдық трежеристер кірістілігі 5,13%-ға жетіп, келесі апта басында 5,23%-ға көтерілді. Мұндай динамика инвесторлардың ФРЖ-ның қатаңырақ саясаты пайдасына күтулерін жүйелі түрде қайта қарап отырғанын көрсетеді.

Жеке инвестициялық ұсыныс емес.