Freedom Broker JD.com (JD) акциялары бойынша «Сатып алу» ұсынымын растады, бірақ мақсатты бағаны $45-тен $40-қа дейін төмендетті. Ағымдағы баға $24,92 болғанда, өсу әлеуеті шамамен 60% құрайды. Талдаушылар негізгі бөлшек сауда бизнесінің қалпына келуін және операциялық пайданың жақсарғанын атап өтеді, алайда Қытайдағы әлсіз тұтынушылық сұранысты одан әрі өсудің басты кедергісі деп санайды.

JD.com туралы
JD.com — электрондық сауда және логистика саласындағы қытайлық компания. Ол тауарларды өзінің онлайн-платформасы арқылы сатады, тапсырыстарды жеткізеді және үшінші тарап сервистерін, соның ішінде тамақ жеткізуді дамытады. Компанияның халықаралық бағыты еуропалық CECONOMY-дің бақылау үлесін сатып алғаннан кейін кеңейді — бұл MediaMarkt және Saturn желілерінің бас компаниясы.
Бөлшек сауда қайтадан өсімге оралды
2026 жылдың III тоқсанында JD.com түсімі өсті жылдық есепте 3,5%-ға, 309,6 млрд юаньға ($46,2 млрд) дейін. Негізгі бөлшек сауда бизнесі — JD Retail түсімі 2,9%-ға артып, 258 млрд юаньға жетті. Алдыңғы тоқсанда төмендеген электроника мен тұрмыстық техника сатылымдары небәрі 0,7%-ға ғана қысқарды. Басқа тауарлардан түсім 8,1%-ға өсті.
Логистикалық бизнес 16,1%-ға өсіп, 64 млрд юань әкелді. Freedom Broker мұндай өсімді, оның ішінде жыл басынан бері JD Logistics платформадғы үшінші тарап сатушыларын тікелей қызмет көрсете бастағанымен байланыстырады.
Топтың операциялық пайдасы 5,2 млрд юань болды, ал бір жыл бұрын 1,1 млрд юань шығын тіркелген еді. Талдаушылар нәтижедегі жақсаруды маркетинг шығындарының қысқаруымен және жаңа бағыттар — тамақ жеткізу мен Jingxi — шығындарының азаюымен түсіндіреді. Маркетингке жұмсалатын шығындар 26,2%-ға төмендеп, 15,5 млрд юань болды.
Сонымен қатар 6,5 млрд юань көлеміндегі таза пайда талдаушылар күткен 7,5 млрд-ты ақтамады. Freedom Broker нәтижелерді аралас деп санайды: бөлшек сауда бизнесі қалпына келіп жатыр, бірақ тұтынушылық сұраныстың әлсіздігі мен жоғары бәсекелестік өсу перспективасын шектейді.
CECONOMY сатып алуы Еуропаға жол ашады
12 қарашада JD.com CECONOMY-дің 59,8%-ын €1,335 млрд-қа сатып алуды аяқтады. Компанияға MediaMarkt және Saturn электроника дүкендері желілері тиесілі. Мәміле есепті тоқсан аяқталғаннан кейін жабылды, сондықтан оның нәтижелері III тоқсан көрсеткіштеріне кірген жоқ.
JD.com менеджменті сатып алуды бөлшек сауда бизнесі мен логистиканы халықаралық кеңейтудегі қадам ретінде қарастырады. Freedom Broker талдаушылары Joybuy платформасын дамыту әлеуетін атап өтіп, CECONOMY-пен ынтымақтастық оның өсуіне көмектеседі деп күтеді. Алайда мәміленің қаржылық нәтижелерге ықпалы әлі бағалануы тиіс.
Мақсатты баға $40-қа дейін төмендетілді
Freedom Broker JD.com акцияларын дисконтталған ақша ағындары әдісімен бағалап, мақсатты бағаны $45-тен $40-қа дейін төмендетті. Талдаушылар «Сатып алу» ұсынымын сақтады: $24,92 баға деңгейінде жаңа бағдар шамамен 60% өсімді меңзейді.
Ықтимал қолдау факторлары ретінде олар Қытайда сұраныстың қалпына келуін, шығындарды бақылауды, тамақ жеткізуді дамытуды және халықаралық экспансияны атайды. Негізгі тәуекелдер — Қытай экономикасының баяулауы, Alibaba және жаңа онлайн-алаңдар тарапынан бәсекенің күшеюі, сондай-ақ тамақ жеткізу нарығы үшін күрес салдарынан кірістілікке қысымның артуы.
Компания мамырда нәтижелері туралы хабарлаған алдыңғы тоқсанда JD.com түсімі артты 4,9%-ға, 315,7 млрд юаньға дейін. Ол кезде таза пайда бір жыл бұрынғы 10,9 млрд-тан 5,1 млрд юаньға дейін төмендеді.
Жеке инвестициялық ұсыным болып табылмайды.