Инвестициялық шолу №349. Үлкен үміттер

Идея мәні

Morgan Stanley (MS) акцияларына $230 страйкімен және 21 тамыздағы экспирациямен call опционын сатып алу арқылы банк секторындағы оң импульстің жалғасуына ставка жасалады. Идея компанияның ФРЖ өткізген стресс-тесттерден сәтті өтуінен кейінгі мықты капиталдық позициясына, дивидендтердің ұлғаюына және көлемі $20 млрд болатын жаңа ұзақ мерзімді акцияларды кері сатып алу (buyback) бағдарламасына негізделген. Сондай-ақ инвестициялық банкинг сегментіндегі нәтижелердің жақсаруы, бірігу және жұтылу (M&A) нарығындағы, IPO сегментіндегі белсенділіктің артуы, сауда операцияларынан және комиссиялық кірістерден түсетін түсімдердің өсуі қосымша қолдау факторлары ретінде қарастырылады. Негізгі тәуекелдерге акция бағасының айтарлықтай өсуінен кейін инвесторлардың пайда фиксациялауы, сауда операцияларынан түсетін кірістердің қалыпты деңгейге түсуі, M&A және IPO сегменттеріндегі белсенділіктің бәсеңдеуі, пайыздық мөлшерлемелер бойынша күтулердің өзгеруі және тәуекелге деген жалпы тәбеттің төмендеуі жатады. Баға бүйірлік дәлізде қозғалған жағдайда уақыттық құнның азаюы (time decay) бұл позицияға теріс әсер етеді.

Тәуекелдерді басқару

Егер экспирация күні — 21 тамызда — базалық активтің бағасы $130-дан жоғары, бірақ $139-дан төмен болса, инвестор шығынға ұшырайды, оның мөлшері акция бағасының нақты деңгейіне байланысты болады. Егер базалық активтің бағасы $130-дан төмен болса, шығын максималды $900-ды (төленген сыйлықақы мөлшері) құрайды. Акция бағасы $139 деңгейіндегі залалсыздық нүктесінен жоғары көтерілген жағдайда позиция пайда әкеле бастайды. Бұл мәміле бойынша негізгі сценарий — опцион сыйлықақысы мақсатты $20,5 деңгейіне жеткенге дейін позицияны ұстап тұру.

Мәміле параметрлері

Пайда/залал кестесі және мәміледегі бақылау нүктелері