Қоржында сіз сатып алған (яғни позицияны ашқан) акцияларыңыз немесе басқа да бағалы қағаздарыңыз туралы ақпарат көрсетілген. Сондай-ақ, жаңа мәмілелер үшін бос жатқан қаражат сомасын көре аласыз.
Freedom Broker платформасының веб нұсқасында сіздің қоржыныңыз «Профиль» бөлімінде орналасқан.
Мобильді қосымшада «Портфель» бөлімінде;
«Портфель» бөлімінде не қолжетімді?
1. Позиция туралы ақпарат
Сіз өзіңіздің бағалы қағаздарыңыз бойынша позициялардың өзгеруін, мәміленің жалпы сомасын, әр бағалы қағаз бойынша ағымдағы пайда мен залалдың мөлшерін көре аласыз. Қажет болған жағдайда белгілі бір акция карточкасын ашып, мәмілеге кіру бағасы немесе қағаз сіздің қоржыныңызда алатын үлес туралы егжей-тегжейлі ақпаратты көруге болады.
2. Акцияларды сату немесе сатып алу
Сіз қалаған жағдайда позицияңыз ашылған акцияларды сатып ала аласыз немесе осы акцияларды тікелей қоржыннан сата аласыз. Ол үшін қоржындағы бағалы қағазды басыңыз және «Сатып алу» немесе «Сату» түймешігін басыңыз.
3. Қорғауға арналған Stop Loss стоп-бұйрығын және Take Profit бұйрығын қою
Ықтимал шығындарды шектеу үшін мәмілелерді автоматты түрде жабуға арналған қорғайтын Stop Loss бұйрықтарын қойыңыз. Акция белгілі бір деңгейге дейін өскенде пайданы тіркеуге көмектесетін Take Profit бұйрығының бағасын көрсетіңіз. Ол үшін қағазды басыңыз және Stop Loss немесе Take Profit қойылымын таңдаңыз.
4. Шот бойынша тәуекел деңгейін қарау
Егер сіз барлық акцияларды өз ақшаңызға сатып алсаңыз және шотта тағы да бос қаражатыңыз болса, сіздің қоржыныңыздың тәуекелі төмен болады. Кейбір мәмілелер үшін сіз Freedom Broker-дан қарыз ақшаны: «кредиттік иықты» немесе «маржаны» пайдалана аласыз. Мұндай мәмілелер неғұрлым көп болса, бүкіл қоржын тәуекелі соғұрлым жоғары болады. Бұл туралы ақпарат «Портфель» бөлімінде де болады. Тәуекелді азайту үшін шотты толықтыру керек, сонда сіздің ақшаңыз қарыз капиталын жақсы өтейтін болады.
