SpaceX-тің алғашқы есебінен инвесторлар не күтеді — Freedom Broker сарапшыларының пікірі

Freedom Broker талдаушыларының пікірінше, SpaceX (SPCX) алғашқы қаржылық есебінің жариялануы компанияның рекордтық бағалануы үшін маңызды сынақ болады. 4 тамызда инвесторлар IPO-дан кейін алғаш рет SpaceX-тің қаржылық нәтижелерін бағалай алады, ал екі күннен соң акцияларды сатуға қойылған шектеулерді кезең-кезеңімен алып тастау басталады. Бірінші кезеңде нарыққа 911,5 млн-ға дейін қағаз шығуы мүмкін, алайда ұсыныстың біртіндеп артуы, ықтимал, баға белгіленімдерінің күрт құлдырауын болдырмауға мүмкіндік береді.

SpaceX жария компания ретіндегі тарихында жаңа кезеңге шығады

SpaceX (SPCX) — Илон Масктың зымыран бизнесін, Starlink спутниктік желісін және ғарыштық инфрақұрылым саласындағы перспективалы жобаларды біріктіретін аэроғарыштық және қорғаныс компаниясы. Инвесторлар компанияны тек ғарыштық ұшырулар операторы ретінде ғана емес, сондай-ақ ауқымды телекоммуникациялық және қорғаныс бизнесі бар технологиялық платформа ретінде қарастырады.

SpaceX мәлімдеді: 4 тамызда рекордтық IPO-дан кейін алғашқы қаржылық есебін жариялайды. Бұған дейін инвесторлар компанияны көбіне жеке мәмілелер, қайталама нарық және бизнестің дамуын жанама көрсеткіштер арқылы бағалап келді.

Неліктен акцияларды сатуға қойылған шектеулер кезең-кезеңімен алынады

SpaceX-тің мажоритарлық акционерлеріне акцияларды сатуға қойылған шектеулер эмиссия проспектісінде алдын ала көрсетілген. Freedom Broker талдаушыларының айтуынша, олардың мақсаты — IPO-дан кейін қағаздар ұсынысының күрт өсуіне және соның салдарынан кейінгі қайталама сауда барысында шамадан тыс құбылмалылыққа немесе котировкалардың құлауына жол бермеу.

Шектеулерді алып тастаудың бірінші кезеңі 6 тамызда, SpaceX тоқсандық есептілігін жариялағаннан екі күн өткен соң басталады. Сатуға 911,5 млн-ға дейін акция шығарылуы мүмкін — шамамен нарықтық бағадан 3% жоғары бағамен.

Эмиссия проспектісіне сәйкес, мажоритарлық акционерлердің акцияларды сату процесі желтоқсанның басына дейін жалғасуы мүмкін. Алайда ол кезең-кезеңімен жүзеге асырылады, бұл нарықта ұсыныстың бір мезетте артық болып кету қаупін төмендетуі тиіс.

Freedom Broker сарапшыларының бағалауынша, сатудың кезең-кезеңімен құрылымы котировкалардың күрт төмендеу ықтималдығын азайтады. Эмиссия проспектісіне сәйкес, мажоритарлық акционерлердің акцияларды сатуы желтоқсанның басына дейін жалғасуы мүмкін. Бірінші кезең аясында шектеулер бұғатталған акциялардың 20%-ынан алынады. 

Алғашқы есеп рекордтық бағаланудың тексерісіне айналады

Инвесторлар үшін есептіліктің жариялануы SpaceX-тің рекордтық бағалануы мен компанияның нақты қаржылық көрсеткіштерін салыстыруға мүмкіндік беретін алғашқы жағдай болады. Қазіргі уақытта корпорацияның капитализациясы $1,5 трлн. Маусымның ортасында (IPO-дан бірнеше күн өткен соң) бұл көрсеткіш $2,64 болды.  Осы уақытқа дейін инвестициялық тезистің едәуір бөлігі ұзақмерзімді күтулерге — Starlink-ті одан әрі ауқымдандыруға, ұшырулар санының өсуіне, Starship дамуына және қорғаныс келісімшарттарының кеңеюіне негізделіп келді.

Компанияның стратегиялық рөлін растайтын факторлардың бірі ретінде АҚШ Ғарыш күштерінен Space-Based Sensing & Targeting бағдарламасы аясында әуе кемелерін бақылауға арналған спутниктерді орналастыру бойынша $4,16 млрд көлеміндегі келісімшарт болды. Мәміле SpaceX-тің қорғаныс инфрақұрылымындағы позициясын нығайтып, ұзақмерзімді түсімнің қосымша көзін қалыптастырады.

IPO-дан рекордтық бағалауға дейін

SpaceX-тің биржаға шығуы маусымның ортасында өтті және компанияның ауқымы мен Илон Масктың ықпалының арқасында нарықтағы ең көп күтілген оқиғалардың біріне айналды. Инвесторлар бұрын негізінен жеке мәмілелер мен қайталама нарық арқылы ғана қолжетімді болған бизнеске үлес сатып алу мүмкіндігіне ие болды.

IPO-дан кейін SpaceX акцияларының динамикасы компания негізін қалаушысының жағдайын бағалау үшін ерекше маңызды болды. Илон Маск уақытша $1 трлн-нан асатын дәулеті бар әлемдегі алғашқы адамға айналды.

Акциялар биржаға шыққаннан кейін SpaceX котировкалары тарихи максимум $225,64 деңгейіне жетті, алайда кейін айтарлықтай төмендеді. Ағымдағы бағасы шамамен $115 болған кезде қағаздар шың деңгейінен шамамен 49% төмен саудаланып жатыр. Биржаға шыққан сәтте корпорация өз акцияларын бір данасын $135 бағамен сатты. Бұл төменірек бағамен акция алған инвесторлардың бір бөлігі котировкалардың максимумнан едәуір төмендеуіне қарамастан, оларды сатуды пайда фиксациялау мүмкіндігі ретінде әлі де қарастыруы мүмкін екенін білдіреді.

Жеке инвестициялық ұсыныс болып табылмайды.