Инвестициялық шолу №336. Векторды таңдау

 

Evolution Petroleum Corporation (EPM) — табысының 100%-ын АҚШ-та қалыптасатын мұнай-газ компаниясы. Оның өндіруші активтері операциялық емес үлестер түрінде ұсынылған. Сондықтан капиталдық шығыны және өндіру көлемі, сондай ақ бизнестің басқа да негізгі параметрлерін операторлар — компанияның серіктестері анықтайды. EPM акцияларындағы инвестициялық әлеует көбінесе АҚШ Энергетика министрлігінің 2026 жылы табиғи газдың экспорты 9,5% өседі деген болжамы аясында табиғи газ бағасының ықтимал өсуімен тығыз байланысты. Көмірсутегі шикізатының құнын қолдайтын факторлар: АҚШ-тың Ресейге қарсы санкциялары, украиналық дрондардың ресейлік инфрақұрылымға шабуылдары және «көлеңкелі  флотқа» қарсы күрес, сондай-ақ Иранның мұнай-газ саласына қатысты санкциялар. Қысқы кезеңде Солтүстік жарты шарда жылу беру мерзімі аясында табиғи газ маусымдық түрде шарықтау шегі қалыптасады, бұл да ЕРМ баға белгілеулеріне қосымша қолдау көрсетеді.

Freedom Brokerдің EPM акцияларына қатысты 12 айлық мақсатты бағасы — $5,8.

 

Carter Bankshares (CARE) — Вирджиния мен Солтүстік Каролинада жұмыс істейтін банк. 2025 жылдың қаңтар-қыркүйек айлары аралығында Carter Bankshares-тің несие портфелі жылдық есепте 7,8%-ға өсім көрсетті. Банк жұмыс істейтін өңірлердегі демографиялық жағдай жылжымайтын мүлікке және кредиттік өнімдерге сұраныстың тұрақты өсуіне ықпал етеді. Банктің ерекше өнімі Lifetime Free Checking депозиттік базаның тұрақтылығын сақтауға мүмкіндік береді. Carter Bankshares активтерінің 15%-ын пайызсыз депозиттер құрайды, бұл қорландыру құнын оңтайландыруға көмектеседі. Қаржылық холдинг (FHC) мәртебесі және Оңтүстік Каролинаға кеңеюі табыстың әртараптандырылуын қамтамасыз етеді. 2025 жылдың үшінші тоқсанының қорытындысы бойынша эмитенттің таза пайыздық маржасы (NIM) 2,8%-ға жетті. 2025 және 2026 жылдардағы табыс өсімі тиісінше 14,5% және 18,3% деңгейінде болжанады. Формалды түрде жоғары болып көрінетін проблемалық кредиттер үлесі (NPL: 6,74%) 88,4%-ға бір ғана коммерциялық қарызға байланысты. Оны есептен шығарғанда көрсеткіш небәрі 0,78% болады.

Freedom Broker-дің CARE акциясы бойынша 12 айлық мақсатты бағасы — $23.

 

Gambling.com Group Limited (GAMB) онлайн-гемблинг платформаларына пайдаланушыларды тартуға маманданған. Компанияның негізгі бизнесі 50-ден астам сайт пен премиум домендердің көмегімен веб-казино мен букмекерлер үшін аудитория қалыптастыруға және оны монетизациялауға негізделген. Gambling.com АҚШ-та онлайн-гемблингтің заңдастырылу үдерісіне тікелей экспозиция береді. Жоғары маржиналы бизнес-модельдің арқасында компания АҚШ-та онлайн-ставкаларды кезең-кезеңімен заңдастыруды сүйемелдейтін ауқымды маркетингтік бюджеттерден тікелей пайда таба алады. Интеграцияланған ішкі ІТ-шығармасы жаңа нарықтарды жедел игеруге және деректерге негізделген трафикті тиімді монетизациялауға мүмкіндік береді. Компания бизнесінің қысқа мерзімді негізгі драйвері — Миссури штатында онлайн-спорт ставкаларының іске қосылуы. 2026 жылғы табыс болжамдары трафикке және жаңа клиенттер базасының (NDC) кеңеюіне тәуелді болады.

Freedom Broker-дің GAMB акциясы бойынша 12 айлық мақсатты бағасы — $8,5.

 

Butterfly Network (BFLY) — ультрадыбыстық диагностикаға арналған портативті жартылай өткізгіш құрылғыларды әзірлейтін және өндіретін компания. iQ3 датчиктерінің сатылымының айтарлықтай өсуі мен корпоративтік сегменттің кеңеюі ІИ-құралдарды енгізу және бағдарламалық қамтамасыз етуді жазылым арқылы ұсыну есебінен қамтамасыз етілді. 2026 жылы компания iQ4 платформасын, сондай-ақ радиологияға арналған стационарлық жүйені іске қосуды жоспарлап отыр, әрі пациенттерді қашықтан бақылауға арналған носимые құрылғыларды жасауды жалғастырады. Болашақта бесінші буындағы флагмандық iQ X чипінің пайда болуы сигналдарды өңдеу жылдамдығын 20 есеге арттыруға мүмкіндік береді. Butterfly аппараттық және бағдарламалық шешімдердің синергиясы есебінен операциялық шығындарды оңтайландырып келеді. Болжам бойынша, 2025 жылдың төртінші тоқсанында компанияның табысы ІИ-сервистерге жазылымдар арқасында 17%-ға өседі. Қазіргі iQ3 коммерцияландыру қарқыны және экожүйенің кеңеюі бизнес ауқымын ұлғайту үшін орнықты негіз қалыптастыруда.

Freedom Broker-дің BFLY акциясы бойынша 12 айлық мақсатты бағасы — $5.