Инвестициялық шолу №340. Жарылған бомба әсері

Viant Technology (DSP) бұлтты платформаны дамытып, жарнаманы автоматтандырылған түрде орналастыруды қамтамасыз етеді және қосылған теледидар сегментіне басымдық береді. Компанияның инвестициялық кейсі жарнамалық бюджеттердің сызықтық телевидениеден цифрлық арналарға үздіксіз ауысуына негізделген. Сонымен қатар, ViantAI әзірлеген Household ID және IRIS_ID шешімдері нарықтың үшінші тарап cookie-файлдарынан біртіндеп бас тартуы жағдайында жарнамалық науқандарды дәлірек баптауға және олардың тиімділігін өлшеуге мүмкіндік береді. Қосымша өсім драйвері ретінде жарнаманы жоспарлау мен сатып алуды автоматтандыратын платформа қызмет етеді. Сонымен қатар, Molson Coors компаниясымен серіктестік те маңызды фактор болып табылады – телевизиялық бюджеттерді цифрлық видеоға көшіру үдерісі жылдамдаған сайын, оның  Viant кірісіне айтарлықтай үлес қосуы күтіледі. Осылайша, Viant акцияларын цифрлық видеожарнаманың құрылымдық өсуіне және тәуелсіз жарнамалық технологиялардың дамуына арналған инвестициялық мүмкіндік ретінде қарастыруға болады.

DSP акциялары бойынша Freedom Broker 12 айлық таргеті — $14,5.

 

Critical Metals (CRML) Гренландиядағы сирек жер металдарын (СЖМ) өндіру жобаларын, Австриядағы литий жобасын дамытып жатыр, сондай ақ Румыния мен Сауд Арабиясындағы бірлескен кәсіпорындарға қатысады. Эмитент акцияларының инвестициялық тартымдылығын стратегиялық маңызы бар гренландиялық Tanbreez жобасы қамтамасыз етеді. Оның іске асуы СЖМ тұтынушыларының (соның ішінде ауыр элементтер сегментінде) Қытайға тәуелділігін азайтады. Ұзақ мерзімді келісімшарттардың болуы компания бизнесінің коммерциялық тұрақтылығын арттыруға көмектеседі. Сонымен бірге CRML акциялары жоғары тәуекелді актив болып қала береді, өйткені компания әзірлеу кезеңінде тұр, ал оның капитализациясының өсу әлеуеті негізінен қаржыландыру тарту және ауқымды капиталы көп жобаларды белгіленген мерзімде аяқтау қабілетіне байланысты. Осының бәрін ескере отырып, инвесторлардың эмитентке деген қызығушылығы ең алдымен ресурстық қауіпсіздікке және стратегиялық металдардың жаһандық жеткізілімдерін әртараптандыру қажеттілігіне негізделген.

CRML акциялары бойынша Freedom Broker 12 айлық таргеті — $15.

 

Power Solutions International (PSIX) — таратылған және резервтік генерация, өнеркәсіптік жабдық және көлік жүйелері саласындағы шешімдер әзірлейтін және қозғалтқыштар өндіретін компания. Дата орталықтарға электр энергиясына сұраныстың артуы аясында компания шағын капитализация сегментіндегі ең перспективалы эмитенттердің бірі болып саналады. Осы бағыттың есебінен эмитент 2025 жылы түсімді 52% ж/ж өсіріп, $722,4 млн деңгейіне жеткізді, сондай ақ таза пайданы 65% ж/ж арттырып, $114 млн көрсетті. Power Solutions International (PSIX) жалпы кірістілігі өндірістің жылдам кеңеюіне байланысты қысым астында қалса да, бизнесінің базалық табыстылығы тарихи орташа деңгейден әлі де жоғары. MTL Manufacturing & Equipment компаниясын сатып алу Power Solutions тың операциялық тиімділігін арттыруға ықпал етеді, себебі бұл вертикалды интеграцияны күшейтіп, жабдықтау тізбегінің орнықтылығын жақсартады. PSIX акцияларының қозғалысы дата орталықтар тарапынан сұраныстың тұрақтылығына және компанияның қол жеткізген кірістілік деңгейін сақтап қалу қабілетіне тәуелді болады.

Freedom Broker дің PSIX акциясы бойынша 12 айға арналған таргеті — $107.

 

Viemed Healthcare (VMD) үй жағдайында тыныс алу ауруларын емдеуге арналған медициналық жабдықтарды, ұйқы бұзылыстарын терапиялауға арналған құрылғыларды және оған қатысты бағыттарды қамтамасыз етеді. Қысқа мерзімді перспективада компанияның түсім динамикасы сақтандыру өтемақысы ережелерінің өзгеруінен кейін инвазивті емес өкпе вентиляциясына арналған жабдықтарды жалға беру сегментінің баяулауына байланысты тежеліп тұр. Орта мерзімді инвестициялық идея сомнологияға қатысты дивизионның дамуына, осы бағытқа қажет шығыс материалдарын жеткізуге, сондай ақ ана денсаулығын қорғауға арналған өнімдер мен қызметтер сегментіне негізделеді. Viemed басшылығы ұйқы терапиясы сегментінде пациенттер базасының тұрақты кеңеюін атап өтеді, ал жақында сатып алынған Lehan’s бизнесі түсімге айтарлықтай үлес қосып, эмитенттің өнімдік портфелін кеңейтіп үлгерді. Осының негізінде VieMed акциялары реттеуші ортадағы өзгерістерге бейімделу тарихы ретінде тартымдылығын сақтап тұр, мұнда жаңа өсу нүктелерін іске қосу маңызды рөл атқарады.

Freedom Broker дің VMD акциясы бойынша 12 айлық таргеті — $11.