Брокер неге комиссия алады?
Брокерлік компаниялар инвесторлар мен биржалар арасында делдал болып табылады. Олар техникалық инфрақұрылымды қамтамасыз етеді, сауда платформасын ұсынады, операцияларды есепке алуды жүргізеді, талдау мен басқа да қызметтерді ұсынады.
Осы қызметтердің бір бөлігі үшін комиссия алынады, оның мөлшері таңдалған тарифке байланысты.
Инвесторлар комиссияны не үшін төлейді?
Freedom Broker сауда платформасында шотты ашу және жабу әрдайым тегін.
Комиссия бағалы қағаздарды сатып алу және сату кезінде (орындалған мәмілелер үшін) алынады.
Комиссия мөлшері нарыққа және қаржы құралына байланысты әртүрлі болуы мүмкін. Әдетте ол мәміле сомасы мен сауда операциялары жасалатын құралдардың санына қарай есептеледі. Сондай-ақ комиссия мәміле жасағаны үшін белгіленген тіркелген соманы қамтуы мүмкін.
Қандай тарифтер бар?
Freedom Broker-де тәжірибе деңгейі, инвестициялық мақсаттары мен стратегиялары әртүрлі инвесторларға арналған тарифтік жоспарлар қарастырылған. Оларды үш санатқа бөлуге болады:
1. Жария тарифтер
Бұл санатқа «Инвестор», «Стандарт», «Стандарт Плюс» және «Халықаралық» тарифтері жатады.
Негізгі жария тариф – «Инвестор». Ол әдепкі бойынша орнатылады және абоненттік төлемді қарастырмайды.
Басқа тарифтер белгіленген шарттар сақталған кезде және Компаниямен келісім бойынша қолжетімді. Олар әртүрлі сауда алаңдарындағы мәмілелер бойынша комиссия мөлшерімен ерекшеленеді.
2. Акциялық тарифтер
Бұл Компанияның акциялары мен жеке бағдарламалары аясында қолданылатын арнайы тарифтер.
Мысалы, жаңа клиенттерге брокерлік шот алғаш рет ашылған кезде «Старт» промо-тарифі автоматты түрде қосылады. Ол комиссияларды төмендетуді қарастырады және шот ашылған күннен бастап 30 күн ішінде қолданылады. Осыдан кейін «Инвестор» тарифі автоматты түрде орнатылады.
Бұл санатқа сондай-ақ «Студенттік» және «Академик» арнайы тарифтері жатады. Оларды тиісті бағдарламалардың шарттары сақталған жағдайда қосуға болады.
3. Жазылымдық тарифтер
Бұл санатқа «Инвестициялық жазылым» және «Трейдер жазылымы» жатады.
Олар ай сайынғы абоненттік төлемді қарастырады және қосымша мүмкіндіктерді қамтиды: оқу материалдары, сарапшылармен эфирлер және тәлімгерлердің қолдауы.
Мұндай тарифтер өз бетінше сауда жасауды оқумен және сүйемелдеумен біріктіргісі келетін инвесторлар мен трейдерлерге қолайлы.
Тарифтердің толық тізімін мына мақаладан таба аласыз: Қандай тарифтер бар?
Қолайлы тарифті қалай таңдауға болады?
Таңдау инвестициялық мақсаттарыңызға, мәмілелер жиілігіне және сауда жасағыңыз келетін нарықтарға байланысты. Шарттармен және комиссиялармен Freedom Broker сайтындағы тарифтер бөлімінде танысуға болады.