Инвестициялық шолу №332. «Бұқалар» бигтехке ауысты
Ерлан Абдикаримов
Freedom Broker қаржылық талдау департаментінің директоры
Ethos Technologies. Сақтандыру цифрмен
26 қыркүйекте IPO-ға Ethos Technologies сақтандыру қызметіне онлайн-платформаға өтінім берді. Орналастыру андеррайтерлері арасында Goldman Sachs, J.P. Morgan, BofA Securities, Barclays бар
| Эмитент | Ethos Technologies |
| Тикер | LIFE |
| Биржа | NASDAQ |
| Андеррайтерлер | Goldman Sachs, J.P. Morgan, BofA Securities, Barclays, Citigroup, Deutsche Bank Securities |
Компания несімен қызықты?
- Визит карточкасы. Ethos тұтынушыларға, агенттерге және сақтандыру компанияларына сатып алу, сату және тәуекелдерді басқару үшін платформа ұсынады. Компания тарихында 450 мыңнан астам полис белсендірілген. 2025 жылғы 30 маусымдағы жағдай бойынша платформаны 10 мыңнан астам сату агенті және бірнеше сақтандыру корпорациясы белсенді пайдаланып келеді. Платформа сақтандыру қызметтеріне өтінім беру процесін жеңілдетіп, деректерді нақты уақыт режимінде тексеру арқылы қателерді барынша азайтады. Ethos андеррайтинг механизмі тәуекелдерді оңтайлы бағалауға және құны көрсетілген полистерді шығаруға мүмкіндік береді.
- Әлеуетті нарық. Ethos платформасында ұсынылатын сақтандыру қызметтері 2024 жылдың қорытындысы бойынша жаңа полистерден 12,6 млрд доллар көлемінде жылдық сыйақы әкелді. Компания ұсынатын өнімдерге сұраныс барлық экономикалық циклдер бойы тұрақты болып келеді. Америкалық өмірді сақтандырушылар кеңесінің деректеріне сәйкес, соңғы он жылда жыл сайын орта есеппен 10 млн адам жаңа полис сатып алған. Қызметтер желісі кеңейген сайын компанияның жалпы сыйақы көлемі жылына 140 млрд доллардан асуы мүмкін.
- Қаржылық көрсеткіштер. 2024 жылы Ethos кірісі 60%-ға өсті, ал 2025 жылдың алғашқы жартыжылдығында өсім 55%-ды құрады. Компанияның EBIT маржасы 2023 жылы -2% деңгейінен 2024 жылы 19%-ға дейін көтерілді, ал 2025 жылдың қаңтар-маусым аралығында 17%-ға тең болды.