Инвестициялық шолу №339. Қорғанысқа ойнау
Германия инвестидеясы. Deutsche Telekom AG.
T‑Mobile US компаниясының мықты есебі оның мажоритар иесі Deutsche Telekom акцияларына оң әсер етті
| Xetra тикері | DTE |
|
Ағымдағы бағасы |
€33,32 |
|
Нысаналы бағасы |
€37 |
|
Өсу әлеуеті |
11% |
DTE акцияларының динамикасы
Сатып алу себептері
- T‑Mobile US-тың мықты нәтижелерінің оң әсері. Deutsche Telekom 52,8% иелік ететін T‑Mobile US компаниясы соңғы жылдардағы оң үрдістердің сақталып отырғанын және 2024 жылы инвесторлар күні ұсынылған даму стратегиясының іске асып жатқанын көрсететін есептілік жариялады. T‑Mobile акцияларының өсуі Deutsche Telekom бағамын да қолдады. Компания менеджменті биыл америкалық активтегі үлесті қысқартуды жоспарламайтынын мәлімдеді.
- Deutsche Telekom DAX 40 индексінде бірінші болып көмірқышқыл газының нөлдік шығарылымына қол жеткізді. Бұл тек компанияның тікелей көміртекті ізіне ғана емес, сонымен бірге электр энергиясын сатып алуға байланысты ауаға бөлінетін ластаушы заттарға да қатысты. Жоспарланған жаһандық декарбонизация дәл уақытында аяқталды.
- Алдыңғы қатарлы инвестүйлердің ұсынымдары. Қазіргі сәтте DTE акциялары 24 инвестициялық банктің қамтылуында. Олардың 23-і — оның ішінде Bernstein (мақсатты баға: 37 еуро), Deutsche Bank (42 еуро), J.P. Morgan (40 еуро) және Barclays (38,5 еуро) — «сатып алу» ұсынымын береді, тек біреуі ғана — «ұстап тұруды» ұсынады. Қағаз бойынша орташа мақсатты баға — 37 еуро.
- Техникалық көрініс. DTE акциялары ақпан айының басында төмендейтін еңіс арнаны бұзып өтті және қазір 34 еуро деңгейіндегі қарсылықты тестілеуге жақын. Егер бұл деңгей бұзылса, котировка 37 еуроға қарай бағытталуы мүмкін.