Двухнедельный обзор фондовых рынков №348. Сезонная рокировка

Түркия Freedom Holding Corp.-қа жергілікті банкті сатып алуға рұқсат берді

Freedom Holding Corp. (FRHC) құрамындағы еншілес компания — Freedom Finansal Hizmetler A.Ş. Түркияның Банктік реттеу және қадағалау агенттігінен (Banking Regulation and Supervision Agency, BRSA) және Түркияның Бәсекелестікті қорғау басқармасынан (Competition Authority) Turkish Bank A.Ş. банкінің жарғылық капиталының 99,32%-ын сатып алуға рұқсат алғанын жариялады.

Бұл мәмілені аяқтауға бағытталған маңызды қадам болып табылады. Аталған мәміле FRHC-тің негізгі дамушы нарықтарда толық интеграцияланған қаржылық қызметтер экожүйесін құруға арналған ұзақ мерзімді стратегиясының бір бөлігі саналады. Сатып алу аяқталғаннан кейін Turkish Bank A.Ş. холдингтің өңірлік платформасының маңызды элементіне айналып, брокерлік қызметтер, инвестициялық бизнес және капитал нарықтарындағы операциялар бағыттарын толықтырады.

Turkish Bank A.Ş. Түркия реттеушілерінің қадағалауымен жұмысын жалғастырады және Freedom компаниясының цифрлық қаржылық сервистер, заманауи сату және қызмет көрсету арналары, сондай-ақ жаңа өнімдерді әзірлеу саласындағы тәжірибесін пайдалана алады.

2026 жылғы ақпанда қол қойылған акцияларды сатып алу-сату туралы келісімге (SPA) сәйкес мәміленің нысаны ретінде тек Turkish Bank A.Ş. қарастырылған.

«Freedom үшін Түркия – стратегиялық нарық және біз бұл жерге нақты мақсатпен келіп отырмыз. Қазақстанда цифрлық экожүйенің адамдардың күнделікті өмірінің ажырамас бөлігіне айнала алатынын дәлелдедік. Freedom SuperApp іске қосылған сәттен бастап екі жылға жетпейтін уақыт ішінде оның пайдаланушылар базасы 5,67 млн адамға жетті. Ол елдегі ең жылдам дамып келе жатқан цифрлық сервиске айналды. Біз қаржылық қызметтерді озық цифрлық өнімдермен біртұтас платформада біріктірдік. Енді осы тәжірибені Түркия нарығына әкелмекпіз, мұнда әлеуетті клиенттер саны Қазақстандағыдан төрт-бес есе көп болуы мүмкін. Банкті сатып алу бізге тиімділігі дәлелденген осы модельді ауқымды түрде дамытуға негіз береді. BRSA мақұлдауы оны әлемдегі ең серпінді нарықтардың бірінде іске қосуға бағытталған маңызды қадам болды», – деп оқиғаға қатысты пікір білдірді Freedom Holding Corp. бас атқарушы директоры Тимур Турлов.

S&P Global Freedom Holding еншілес компанияларының рейтингтерін жақсартты

S&P Global Ratings агенттігі Freedom Holding Corp. (FRHC) құрамына кіретін «Фридом Финанс» АҚ, Freedom Finance Global, Freedom Finance Europe және «Фридом Банк Қазақстан» АҚ-ның ұзақ мерзімді рейтингтерін «B+»-тен «BB-»-ке дейін көтерді. Сонымен қатар қысқа мерзімді рейтингтерді «B» деңгейінде тұрақты болжаммен растады.

«Фридом Финанс» АҚ мен «Фридом Банк Қазақстан» АҚ-ның ұлттық шкала бойынша рейтингтері «kzBBB+»-тен «kzA-»-ке дейін жоғарылатылды.

Freedom Holding Corp.-тың ұзақ мерзімді кредиттік рейтингі «B-» деңгейінде расталды.

Рейтингтердің жоғарылауы Freedom тобының тәуекелдерді басқару және комплаенс жүйесінің соңғы үш жыл ішінде тиімді жұмыс істеп келе жатқанын, сондай-ақ осы функциялардың қаржылық еншілес компаниялар деңгейінде нығайтылғанын көрсетеді. Бұл жүйе FRHC-ке санкциялық талаптарды сақтау, киберқауіпсіздік, беделдік тәуекелдер, реттеушілік тәуекелдер және криптовалюталармен байланысты тәуекелдер сияқты бағыттарды қоса алғанда, топ деңгейіндегі тәуекелдерді мұқият бақылауға және басқаруға мүмкіндік береді.