Инвестициялық шолу №355. Ралли баршаға бірдей емес
S&P 500: 2026 жылғы 29 қыркүйектен 8 қазанға дейін
S&P 500 индексінің негізгі жаңалықтары мен мәндері
29.09.2026 — 7 670
- Carnival (CCL) компаниясының үшінші тоқсандағы EPS көрсеткіші $1,43 болды, ал түсімі рекордтық $8,44 млрд-қа жетті. Шығындарды оңтайландырумен қатар бұл отын бағасының өсуін өтеді.
30.09.2026 — 7 651
- Micron (MU) компаниясының төртінші тоқсандағы нәтижелері мен болжамы жад чиптеріне бағаның қымбаттауының арқасында орташа нарықтық болжамдардан асып түсті;
- Тамыз айындағы базалық PCE көрсеткіші консенсус-болжамдағы 0,3%-ға қарсы айлық есепте 0,245% болды. Жылдық көрсеткіш қайта қарау нәтижесінде 3%-ға дейін төмендеп, баға қысымына қатысты бағалауды жұмсартты.
01.10.2026 — 7 666
- Nike (NKE) компаниясының тоқсандағы түсімі жылдық есепте 4,3%-ға төмендеп, $11,21 млрд болды және күтілген деңгейден төмен қалыптасты. Компанияның жылға арналған консервативті болжамы оның акцияларының 8%-ға құлдырауына себеп болды.
02.10.2026 — 7 722
- Қыркүйек айында ауыл шаруашылығынан тыс секторларда құрылған жаңа жұмыс орындарының саны небәрі 29 мыңды құрады (консенсус-болжам: 90 мың). Шілде және тамыз айларының деректері 66 мыңға төмендетіліп қайта қаралды. Жұмыссыздық деңгейі 4,18%-ға көтерілді.
05.10.2026 — 7 773
- ISM Жариялаған қызмет көрсету секторындағы PMI индексі қыркүйекте 55,4 тармақтан 54,9 тармаққа дейін төмендеді, дегенмен көрсеткіш әлі де сектордағы өсімнің жалғасып жатқанын аңғартады.