1. Ақшаны банктік шотқа деректемелер бойынша аудару.
Ақша қолма-қол ақшасыз түрінде Freedom Broker сауда платформасының жеке кабинетінде көрсетілген банктік шотқа жіберіледі.
Жіберу мерзімі: ақша аудару туралы тапсырма берілгеннен кейін бес жұмыс күні.
Тапсырма брокер банкке ақшаны есептен шығару жөнінде нұсқау бергеннен бастап дұрыс орындалды деп есептеледі. Банктердің ақша аудару және сіздің банктік шотыңызға есептеу жөніндегі төлем нұсқауларын орындау мерзімдері аударымға қатысатын қаржы ұйымдарының, оның ішінде корреспондент банктердің тарапында төлем тапсырмаларын өңдеу мерзімдері мен тәртібіне байланысты.
2. Ақшаны банк картасына аудару.
Ақшалай қаражатты банктік картаға аудару туралы тапсырманы орындау мерзімі - лезде. Егер аударым туралы тапсырма «Өңделуде» мәртебесінде қалып қойса, қосымша тексеру жүргізу үшін 3 жұмыс күніне дейін уақыт қажет болады.
Назар аударыңыз!
- Банк шотының деректемелерін дұрыс көрсету қажет. Алушы банктен деректемелерді нақтылауыңызды сұраймыз.
- Банктік картаға аудару тек клиенттің Freedom Broker қосымшасында сақталған, бұрын брокерлік шотты толтырған карталарына ғана қолжетімді.
- Ақшаны тек брокерлік шот иесінің банктік шотына ғана аударуға болады. Үшінші тұлғалардың шотына ақша аудару мүмкін емес.
fbroker.kz → Компания туралы → Құжаттар → Бағалы қағаздар нарығында брокерлік (агенттік) қызметтер көрсету регламенті